Diasabra ultimo e Centro di Operashon Marĺtimo (MOC) di Wardakosta a risibi un yamada di un kapitán di un boto di piskadó bonairiano ku tabata tin problema riba laman. E boto, LA PATRONA, tabata Noord di Malmok i no tabata tin mas fuel. E kapitán no por a duna di konose na unda e tabata presĺs anto tampoko no ta tin un signal di emergensia abordo. Mes ora e Centro di Operashon Marĺtimo a despachá e helikopter di Wardakosta pa bai lokalisá e boto. E helikopter a logra di hania e boto, ku ta tin 3 persona a bordo. Na e momentu ei e avion di patruya di Wardakosta a remplasá e helikopter pa asina sigi duna asistensia na e boto. Finalmente a manda e barku di patruya cutter Jaguar pa tou LA PATRONA pa Waf di Piskado na Boneiru.
Regularmente Wardakosta ta avisá donionan di boto pa ora nan bai nabega pa tin un medio di komunikashon, preferibel un radio VHF,i signalnan di emergensia a bordo. Esakinan por salba bo bida!