Mayoria di habitantenan di Kòrsou ta eksperensiá e efektonan di kambio di klima kaba den nan bida diario, spesialmente pa motibu di kalor ekstremo, gastunan mas haltu pa awa i elektrisidat, i problema ku infrastruktura. Na mes momentu konsientisashon ku mester bini kambio den maneho di nos klima ta kresiendo. Esaki ta sali for di un enkuesta nashonal grandi bou di 555 habitante, realisá na òktober i novèmber 2025 komo parti di desaroyo di e Strategia Nashonal di Adaptashon di Kòrsou (NAS-Ç).
E investigashon ta mustra ku habitantenan tin prioridatnan kla i práktiko riba kon Kòrsou mester prepará su mes pa kambio di klima.Riba e lista tin plantamentu di mas palu i kreashon di espasionan bèrdè (41%), restourá i mantené e roinan limpi (37%), i mehorá infrastruktura pa prevení inundashon i alabes hasi mihó usodi awaseru (35%). Ta remarkabel ku protekshon di kosta ku strukturanan grandi i duru, manera muraya di laman, ta haña hopi ménos sosten (11%).
Gastunan haltu i kalor ekstremo ta evidente
Kasi mitar di e partisipantenan ta indiká ku den e último sinku añanan nan a eksperensiá gastunan mas haltu pa energia, awa, kombustibel i kuminda pa motibu di kondishonnan di klima. Mas ku mitar (55%) ta bisa ku nan a sufri hopi di dianan hopi kalor. Mirando e dies añanan ku ta bin, hopi habitante ta pensa ku spesialmente fakturanan di awa ikorientemas haltu, i tempu hopi kalor i seku, lo tin un gran influensia riba nan bida.
Adaptashon na klima ta wòrdu mirá pa 76% di e partisipantenan komo importante òf di prioridat haltu. Banda di esaki, 14% ta di akuerdo kompletamente ku e ponensia ku por konfia gobièrnu pa aktua den mihó interes di Kòrsou. Esaki ta mustra un ekspektativa kla di Liderasko, kombiná ku nesesidat di transparensia i partisipashon di siudadanonan.
Naturalesa i finansiamentu ta núkleoden solushonnan
Den tur tema di e investigashon, habitantenan ta skohe hopi biaha pa solushonnan basá riba naturalesa. Mas vegetashon den bario, protekshon di rif di koral i palunan di mangel, i restourashon di kanalanan natural di awa ta kedamenshonáfrekuentemente. Ademas, kapitalta hunga un ròl importante. E medida mas skohé den tema di ekonomia i finansa ta kreashon di finansiamentu pagabel pa famianan ku entrada abou por invertí den medidanan di klima manera kas mas fresku, fakturanan di awa I korientemas abou, i protekshon kontra daño di desasternan natural (45%).
Hopi habitante ta indiká ku nan ta dispuesto pa tuma medidanan nan mes, manera spar awa i energia (54%), prepará un pakete di emergensia (67%), i kumpra mas kuminda produsí lokalmente (51%). Falta di informashon (35%), e gastunan marána e medidanan (29%), i e sintimentu ku gobièrnu ta responsabel (39%) ta wòrdu menshoná komo e bareranan prinsipal pa tuma akshon nan mes.
“Kuminsá ku pone e base na òrdu”
Ora puntra pa rekomendashonnan, habitantenan ta enfatisá repetidamente ku adaptashon na klima ta kuminsá ku pone e base na òrdu: mantenshon di kamindanan, labadó i damnan bon mantené, evitá konstrukshon den kanalanan natural di awa, i mantené bario limpi. Hopi partisipante ta relashoná adaptashon na klima direktamente ku kalidad di bida, limpiesa, naturalesa, edukashon i gastunan di bida.
E resultadonan di e enkesta aki ta wòrdu usá den e Strategia Nashonal di Adaptashon di Kòrsou. E investigashon a wòrdu realisá pa Vrije Universiteit Amsterdam den kolaborashon ku University of Curaçao,büró di investigashon RE-QuestiStichting Climate Adaptation Services (CAS), komo parti die proyektoSupporting Curaçao in developing a National Adaptation Strategy di International Panel on Deltas and Coastal Areas (IPDC).
E rapòrt kompletu ta disponibel pa públiko via: https://ipdc-climate-action.org/projects/supporting-curacao-in-developing-a-national-adaptation-strategy/