CEDE Aruba atrobe ta duna hobennan den 2022 e oportunidad pa haci trabao boluntarion na Europa. Nos partners na Spaña, Grecia y Hulanda ta ofrece varios projectnan. Diabierna lo tin reunion informativo na Biblioteca.
E fondonan pa manda e boluntarionan afo a wordo rekeri via Erasmus+, e programa Europeo di subsidio. E idea tras di e programa aki ta cu tur hende por desaroya nan mes continuamente por medio di educacion, curso y siñamento informal: siñamento permanente (life long learning). Cu Erasmus+ intercambio y trabao boluntario ta wordo organisa y (co)financia.
Na Spaña boluntarionan por traha 2-6 luna, na unda nan lo traha cu personanan cu limitacion mental. Pa e projecto aki CEDE Aruba ta buscando enter otro un (1) boluntario cu por cuminsa mid March caba. Na Grecia boluntarionan lo traha cu cachonan special y lobos. Na Hulanda tin un bak-atelier na unda boluntarionan lo yuda cu catering pa un aña.
E projectonan di CEDE Aruba ta brinda hobennan e oportunidad pa haci trabao boluntario den exterior. Aki, nan ta sera conoci cu culturanan diferente y nan ta siña habilidadnan nobo. Haciendo trabao boluntario hobennan lo optimalisa posibilidadnan pa un futuro bunita den e area di nan interes.
Abo ta entre 18 y 30 aña di edad? Trabao boluntario lo por ta algo pa bo. E mayor parti di e gastonan lo wordo cubri door di e programa. Si ta necesario e hobennan por regla financiamento extra.
CEDE Aruba lo selecta hobennan cu tin e siguiente rekisitonan. Motivacion pa biaha pa Europa y haci trabao boluntario na un di nos partnernan. Un actitud positivo, flexibilidad y gana di siña ta essencial. Durante e seleccion nos tambe ta wak e potential pa crece; hobennan di situacionnan desavanta ta wordo expresamente pidi pa participa. Ademas, obviamente e ta rekeri pa por biaha pa Europa den un di e periodonan specifica.
Nos lo supervisa e boluntarionan prome, durante y despues e periode di trabao boluntario. E boluntario lo cuminisa cu sigui cursonan, durante e periode e boluntario lo entrega reports di kiko e ta haciendo y na final e boluntario lo presenta locual ela siña.
CEDE Aruba lo organiza un reunión informativo. Esaki lo tuma lugar diabierna March 5, 3pm na Sala Diamante na Biblioteca Nacional Oranjestad. E reunion informativo ta dirigi na hoben interesa, mayornan, scol y tur otro interesadonan. Personanan cu por ta no por bai e aña aki pero ta interesa di participa den futuro, tambe ta bonbini. Interesadonan por registra via euyouth@cedearuba.org of yama 582-7666. Tambe por haya mas informacion na riba www.europeansolidaritycorps.nl/vrijwilligerswerk/jongeren.