Diadomingo anochi pasa di 9:30 un ciudadano a mira un persona na sanger, esaki tabata net pabou di Elmar na Playa.Un patruya a dirigi su mes pa e sitio, cu tabata ariba e brug. Eynan polis a bin topa cu un grupo di persona y mesora a solicita pa mas refuerso.
Tur hende tabata papia door di otro, causando cu polisnan no por a saca afo kico exactamente a sosode.Berdad nan a haya e persona herida, cu tabata un homber sin t-shirt.Segun e homber cu tabata mustra di ta bou influencia tambe, cu ta un persona den e grupo lo a maltrat’e.
Pero, polisnan no a detene ningun hende y por a mira e grupo bandona e sitio. Pues si un persona di e grupo ey a maltrata e homber e momento eynan e no a wordo deteni.
Polis mester a pidi pa un ambulance pa duna e homber asistencia medico. A bin resulta cu e homber su kaak ta fractura y tambe e falta un of mas djiente. E la wordo transporta pa Hospitaal.
