Diahuebs ultimo den oranan di anochi den careda di 7’or polis a bay pura patras di Elmar Hato unda lo tabata tin un problema serio di pareha.
Na yegada mesora a pidi pa un ambulance, mirando cu un homber lo tabata herida na su man y e tabata sangra hopi.
Na e sitio nos di EA News a compronde cu e cabayero lo a haya su pareha/casa cu otro homber y den su rabia a kibra windshield di e auto cu su man. Esaki a causa cu e la herida su mes y tabata mester di atencion medico. E auto parse ta di e dama.
E cabayero ta un persona diabetico, pues tabata necesario pa Paramediconan trata e herida.
