IMF a yuda Aruba prome, durante y despues di pandemia. IMF no a yuda cu fondo debi cu Aruba ta forma parti di Reino Hulandes , pero IMF a yuda Aruba cu diferente analisisnan necesario y training nan necesario unda cu Aruba por entrega su presupuestonan na tempo. Na aña 2019 Aruba a haya asistencia tecnico di IMF pa asina por introduci locual cu ta e BTW . A trata dos aña y mey unda cu hopi trabou a wordo haci hunto cu profesionalnan di IMF pa Aruba por a introduci e BTW.
Lamentablemente e minister actual cu tabata forma parti di gabinete Wever Croes II ta netamente e minister di finansas actual, pero tambe ta netamente e persona traidor di gobierno MEP-RAIZ y ta e protagonista principal cu a boycott tur trabou di su propio gabinete cu e tabata forma parti di dje como minister di RAIZ den gobierno di MEP-RAIZ unda cu a boycott tur e trabou di e profesionalnan haci hunto cu IMF pa introduci BTW pa Aruba.
Parlamentario Xiomara Maduro ta spera cu Minister Geoffrey Wever tin e curashi di bisa IMF den nan cara cu e ta e persona principal cu a stroba pa Aruba por introduci BTW. Awe Minister Wever cu ta e traidor cu tabata saca informacion di minister raad no pa su partido RAIZ cu e tabata forma parti di dje, pero pa e partido FUTURO cu awe e ta forma parti di dje unda cu aki tambe Geoffrey Wever tambe a traiciona su partido RAIZ cu e la bandona pa lasonan di interes cu FUTURO y awe si ta menciona pa bin cu BTW. Esaki ta ironia di bida, ken por kere y confia Minister Geoffrey Wever ?
Parlamentario Xiomara Maduro ta indica cu IMF lo haci minister Geoffrey Wever e pregunta pa Aruba bay den direccion di BTW y ta spera cu awo si e tin e curashi di bisa cu ta su persona ta esun cu a stroba e trabou di e profesionalnan na Aruba pero tambe na IMF mes, unda cu e mandatario a stroba pa Aruba por a introduci BTW. E Ley, departamento di impuesto, IMF tur tabata cla pa Aruba por a introduci e BTW, e tabata un trayecto di dos aña y mey di trabou, pero prome cu lo a introduci esaki Minister Geoffrey Wever e tempo ey minister di economia a boicotia tur cos pa e BTW no wordo pasa na Aruba.
Sinembargo parlamentario Xiomara Maduro ta indica cu na IMF e trabounan a wordo haci y IMF por prueba esaki. Tambe e caminda cu Gabinete Wever Croes II a habri pa Aruba sinta cu banconan internacional cu awe Minister di finansas Geoffrey Wever por sinta cu nan, esaki ta debi na e trabounan cu Gabinete Wever Croes a haci unda cu por a gana nan confiansa y cu Aruba por sinta cu nan na mesa y Aruba por a haya e fondonan necesario pa refinancia e debenan bieu di nos Pais.
Tur e trabounan aki a keda haci den Gabinete Wever Croes II hunto cu tur e profesionalnan den veld.
Parlamentario XIomara Maduro ta indica cu awe por bisa orguyosamente Aruba ta conta cu investment rating Standard & Poor’s (S&P) ,Fitch y Moody’s. Tur tres di e companianan aki Minister di finansas actual lo sinta cu nan, pero e trabou duro ta haci caba y ta tras di lomba.
Esaki no ta trabounan cu a tuma luga den un paar di dia, pero ta trata aki di trabounan cu a tuma luga durante algun aña y asina por a haya confiansa debi cu tur tres compania a bin ta mira e trabounan cu a bin ta haci cu seriedad y profesionalismo. Tin e tres companianan aki ta e entrada pa Aruba por yega den e mundo internacional di capital y asina por sinta cu banconan grandi na mundo y esaki a sosode unda cu Aruba por a refinancia e debenan bieu y por a cumpli cu e pagonan necesario.