Featured Local

ImSan a ricibi bishita di cortesia di e Secretario di Estado di Salubridad, Bienestar y Deporte na Hulanda


ImSan tabatin riba diasabra, 25 di juni ultimo, e honor di ricibi pa prome biaha un bishita di cortesia di e Secretario nobo di Estado di Salubridad, Bienestar y Deporte na Hulanda, sr. Maarten van Ooijen. E Secretariado di Estado tabata na Aruba en conexion cu e vierlandenoverleg riba e tema di Salubridad y no kier a perde e oportunidad pa haci un bishita na ImSan su hospital.

A intercambia libremente di opinion cu sr. Van Ooijen y otro representantenan di su ministerio cu tambe ta involucra den e desaroyo riba e tereno di salubridad en general y tambe ta percura pa colaboracion entre diferente hospital di islanan Hulandes den Caribe.

Topico nan manera establecimento di DCHA, cooperacion entre ImSan y HOH, recorte financiero riba calidad di salud incluyendo accreditacion di JCI, AruBIG a wordo discuti ampliamente durante e reunion aki.

Dr. Joel Rajnherc, Director di ImSan a señala cu ciendo tambe un di e hospital den Caribe Hulandes, ImSan no a participa directamente na e proyecto di DCHA y a probecha di e ocasion pa trece dilanti e importancia di e participacion di ImSan na e proyecto aki. ImSan ta spera cu despues di e bishita aki lo por bin cambio den esaki.

Durante e recorido door di ImSan a bishita diferente departamento, pero especialmente e departamentonan di Oftalmologia (Oogheelkunde) y Radioterapia. E mashin ultramoderno Halcyon (Varian) y e espacio cu tin pa comunica y consulta cu coleganan Radiotherapeuten di Miami Cancer Institute (un parti di Baptist Health South Florida) a impresiona e bishitantenan. Tambe e departamento di Oftalmologia cu e tecnologia mas avansa y cu di calidad a hala nan atencion. Demas departamento manera Centro Diabetico, Dialyse,
Radiologie, S.E.H., Shortstay, CSA y quirurgico (OK) lo haya atencion den nan siguiente bishita na ImSan.

Related posts

Heart-Centered Leadership Foundation a celebra Dia di Hoben cu un Impact Café virtual

EA News Author

Partido mep ta cuminsa campaña 2021

EA News Author

Kòrsou : Desishon krusial sea ta sigui komo país ku su gobièrnu i parlamento òf ta skohe pa pasa gobernashon kompletu pa COHO i gobièrmu di Hulanda

EA News Author

Leave a Comment