Resientemente Air Belgium huntu ku Tourism Corporation Bonaire (TCB) a anunsiá ku lo inkluí Boneiru komo destinashon nobo den e skema di wenter 2022/2023, ku un buelo regular direkto for di Brussel Airport (BRU). Apesar di e esfuersonan promoshonal, Air Belgium a keda obligá pa hasi algun kambio na e skema di wenter 2022/2023 dor di kanselá algun buelo planiá den e periodo di wenter. Sinembargo,Air Belgium huntu ku TCB ta konfirmá ku buelo di i pa Boneiru lo ser mantené riba 23 i 25 di desèmber 2022 i tambe riba 6 i 8 di yanüari 2023.
Faktornan eksterno a hiba na e kambionan den buelo manera inventario di kambernan disponibel i e desafionan aktual den planiamentu di ruta ku afektando tur aerolinea. E kambionan a ser hasi den konsulta ku TCB pa sigui apoyá e temporada haltu di wenter.
E kambionan general di buelo lo afekta e buelonan di/pa Boneiru entre 4 di novèmber 2022 i 25 di mart 2023. Klientenan ku a reservá nan buelo kaba pa Boneiru tin e oportunidat pa mantene nan buelo ku Air Belgium di/pa Boneiru i biaha durante e periodo di pasku/aña nobo dependiendo disponibilidat (23/12 òf 25/12/2022 i 06/01 òf 08/01/2023)òf por opta pa risibíun ‘voucher’ na mesun balor di e reservashon original òf por risibí e suma pagá bek. E posibilidat pa por biaha pa Boneiru via Kòrsou ku Air Belgiumainda ta keda un opshon.
TCB ta kontentu ku e kolaborashon ku Air Belgium i lo sigui ku e esfuersonan promoshonal pa e restu di e aña pa apoyá e kontinuashon di buelo ku Air Belgium pa Boneiru den 2023. E buelo direkto for di Brussel pa Boneiru ta un páso importante pa nos vishon ekonómiko pa drenta den merkadonan oropeo nobo.
