Entidad publico Boneiro (EPB) ta trahando riba un plan pa futuro di
Plantashi Fontein. E plantashi aki ta un luga unico na Boneiro – e ta rico na
naturalesa, cultura y historia. Pa por yega na un plan cu ta cuadra cu balor di e area
aki y cu deseonan di nos comunidad, EPB ta bay tene un encuesta. EPB ke pidi
pueblo di Boneiro pa participa na e encuesta importante aki.
Fontein tabata semper un fuente di bida y tradicion. Pa algun tempo caba EPB ta
encarga cu maneho di e area aki. Awor ta e momento pa hunto nos determina su
futuro pa futuro generacionnan por disfruta dje area mescos cu esunnan prome ku
nos.
Kico bo ta haña importante? Ki ta e oportunidadnan cu bo ta mira? Kico lo bo no ke
mira? Bo input lo yuda crea un plan cu ta cuadra cu e necesidadnan di nos
comunidad y ta conserva e caracter unico di Fontein.