Djárason último Kolegio Ehekutivo a risibí e sekretario general di Ministerio di Enseñansa, Kultura i Siensia (OCW), Marjan Hammersma, relashoná ku un konsulta di sera konosí. Vários tema ku tin di haber ku enseñansa i kultura a bini dilanti.
A papia entre otro tokante e Agènda di Enseñansa, ku ta kontené palabrashonnan pa mehorashon di enseñansa na Hulanda Karibense. Diputado Hennyson Thielman, ku awor akí ta responsabel tambe pa portafolio di Enseñansa, a bisa: ‘Nos ta haña importante ku den enseñansa na Boneiru ta bini un mihó konekshon ku mundu empresarial i ku ta dediká mas atenshon na nos kultura. Nos tin gana di mira tambe ku desaroyo personal di nos hóbennan ta bai para sentral i ku no ta enfoká solamente riba teoria.’ Mas aleu a ekspresá e deseo tambe ku nos skolnan ta bai ofresé mas lés di profesholnan invitá for di mundu empresarial.