Komandante di Forsanan Naval den Region Karibe Hulandes, Komandante Walter Hansen, durante ultimo dos dianan tabata huespet na e kombersashonnan tripartit di kada dos aña, na Kòrsou, entre Estados Unidos, Fransia i Hulanda. E tres paisnan ta traha huntu dentro di e ‘Joint Interagency Task Force South (JIATS-S)’ pa kombatí transakshonnan/negoshinan illegal den Region Karibe. Durante e komberbersashonnan aki e Direktor di JIATF-South, Mark Fedor, Nicolas Lambropoulos (COMSUP Antilles), Schofield (USCG D7) i CZMCARIB a dialogá riba e prioridatnan di korto plaso i plaso medio, den Region Karibe. Tambe pa fortalesé e posibilidat di kolaborashon. Riba Djaweps, 9 di novèmber, Walter Hansen den su rol di Direktor Wardakosta Region Karibe, a firma un MOU tokante e palabrashonnan nobo, pa operashonnan di Búskeda i Reskate (Search and Rescue) di e Wardakostanan di e tres paisnan den Region Karibe Hulandes. Tambe organisashonnan afiliá JTF-E i MAOC-N tabata presente.
