PoliticaFeatured

Lider di Fraccion di AVP, mr. Mike Eman: Gobierno na 2023 ta duna afl 27 pa cubri aumento di afl 200 di costo di bida!

Lider Di Fraccion Di Avp Mr. Mike Eman

Segun e reforma fiscal pa 2023 cu a yega Parlamento pa worde introduci na 2023 e pueblo di Aruba lo bai sufri un perdida di poder cumpra ainda mas espantosocu na 2022. Esaki ta e conclusion di e lider di fraccion di AVP, mr. Mike Eman y Raad van Advies despues di a analysa e reformam fiscal cu Gabinete Wever Croes a manda Parlamento.

Raad van Advies ta adverti Gabinete Wever Croes cu e supuesto compensacionan no ta bai cubri e aumentonan grandi di costo di bida cu aumento di BBO ta bai causa. Raad van Advies ta bisa literalmente: “Hieruit blijkt dat het netto-inkomen onvoldoende gecompenseerd wordt als gevolg van de verhoging van de BBO”.

Den caso di un persona cu entrada 24.000 pa anja, por ehempel un persona cu un salario minimo, lo no tin ningun compensacio mes, pasobra e ta cai den belasting vrijevoet caba. Pa e persona aki si lo conta e aumento di gastonan cu lo bin cu e aumento di BBO. E aumento di gastonan aki lo no ta mensos cu 200 florin pa luna. Aumento di salario minimo lo cai hopi chiquito banda di locual e salario minimo a perde caba na poder di compra y lo sigui perde na 2023 cu aumento di BBO. Esaki sin tuma na cuenta e aumento di awa, luz, gas, gasolin y pago pa remedi. Gabinete Wever Croes ta strangulando e pueblo, segun e lider di fraccion di AVP, mr. Mike Eman.

Eman ta duna un otro ehempel for di locual Raad van Advies mes ta constata den e reforma fiscal 2023. Un persona cu un entrada di 3000, florin pa luna (36.000 pa anja) lo haya un compensacion di Afl 21,== pa luna (257 florin riba henter un anja) pa cubri un perdida di poder di compra di minimalmente Afl. 200 pa luna y 2400 pa anja.

Asina por sigui mira den e reforma fiscal con Raad van Advies ta adverti tambe cu e lo afecta e clima di inversion na Aruba y cu posibel concecuerncianan hopi negativo pa economia di Aruba.

Tambe Eman ta bisa cu pensionadonan lo haya Afl. 45,== pa luna pa cubri e aumento di Afl. 200,== pa luna di aumento di BBO. E ta agrega cu no ta papia mes di locual a perde caba na costo di bida na 2022 y locual ta bin riba e aumento di BBO. Si tuma na cuenta e aumento di awa, coriente, gas, gasolin y paga pa remedi e efecto di e supuesto surplus lo ta un deficit devastor pa e pueblo, mr. Mike Eman ta enfatisa. Esaki ta bin riba e defict di 718 florin pa luna cu un persona cu salario minimo ya tin bao di e maneho di medida cu Gabinete Wever Croes a bin ta hiba desde 217. Esaki ta cifra di propio CBS, mr. Mike Eman ta accentua. E ta teme pa e pobresa creciente den 2013 y e stagnacion di economia cu e medidanan cu tambe lo afecta e clima di inversion según e propio Raad van Advies.      

    Rva Tabel Verandering Netto InkomenRva Negatieve Gevolgen InvesteringsklimaaatRva Gevolgen Voor De Koopkracht

Related posts

Loke cu mester ta un alegria ta un decepcion pa SNBA y comerciantenan internacional cu kier desaroya na San Nicolas

EA News Author

A.T.A. ta Patrocina Evento di Colombia Fintech Cu Orador Principal Su Alteza Real Reina Máxima

EA News Author

Minister Ursell Arends: Ta lansa ‘Telefon pa Adulto Mayor’ 125 pa combati soledad

EA News Author

Leave a Comment

Whatsapp Message