Sint MaartenFeaturedInternacional

Sekretario di Estado Alexandra van Huffelen ta bishitá Aruba, Kòrsou i Sint Maarten

Sekretario Di Estado Alexandra Van Huffelen

Di 19 te ku 26 di mart 2024 Sekretario di Estado Alexandra van Huffelen di Relashonnan den Reino ta realisá un bishita di trabou pa Aruba, Kòrsou i Sint Maarten. Pa gran parti e bishita aki ta den lus di e Akuerdo Mutuo Kolaborashon pa Reformanan. Den e kuadro aki na tur tres pais e Sekretario di Estado ta hiba kombersashon ku e minister presidente i otro ministernan tokante e kolaborashon i ehekushon i progreso di e Pakete di Pais. Tambe e mandatario ta papia tokante di e apertura di e Fondo Nashonal di Kresementu i e areglo di SDE++ pa e paisnan.

Aruba

E bishita di trabou di Sekretario di Estado Van Huffelen ta kuminsá na Aruba, na unda e mandatario tin un kombersashon planiá ku promé minister Evelyn Wever-Croes tokante di e Akuerdo Mutuo Kolaborashon pa Reformanan i e fondonan di invershon. Tambe tin un kombersashon ku minister Xiomara Maduro di Finansa tokante di impuesto riba e programa i e Sekretario di Estado ta haña presentashon ku ta trata e reorganisashon di gobièrnu, e kombenio di kuido i enseñansa. Mas aleu e mandatario tin un enkuentro informal ku e lidernan lokal di proyektonan di e Pakete di Pais. 

Kòrsou

Riba 21 di mart e Sekretario di Estado ta biaha pa Kòrsou, na unda e ta kombersá ku promé minister Gilmar Pisas tokante e Akuerdo Mutuo Kolaborashon pa Reformanan i e fondonan di invershon. Tambe e mandatario ta papia ku minister Larmonie-Cecilia di Desaroyo Sosial, Labor i Bienestar, Van Heydoorn di Enseñansa, Siensia, Kultura i Deporte, Silvania di Finansa i Martina di Maneho di Gobernashon, Planifikashon i Servisio Públiko tokante e proyektonan di e Pakete di Pais. Ku promé minister Pisas i minister Cijntje di Desaroyo Ekonómiko e Sekretario di Estado ta papia tokante di refineria i tambe e mandatario ta bishitá dos skol ku a renobá ku rekurso finansiero di Hulanda. 

Por último e Sekretario di Estado ta partisipá na e konferensia legislativo di Karibe, ku e kuater paisnan a organisá konhuntamente i tambe e tin un enkuentro ku empresarionan i e sosiedat sivil di Kòrsou. 

Sint Maarten

E programa na Sint Maarten ta kuminsá riba djaluna 25 di mart; riba e dia aki e Sekretario di Estado ta papia ku promé minister demisionario Silveria Jacobs tokante di e kolaborashon relashoná ku e Akuerdo Mutuo Kolaborashon pa Reformanan i e apertura di e fondonan di invershon. Tambe e mandatario tin un lùnch pa tuma despedida di e gabinete demisionario di Sint Maarten i e ta sera konosí ku e lidernan di frakshon nobo. Tambe riba agènda tin un bishita na e University of Sint Martin i un seshon ku un grupo di enfoke di hóbennan profeshonal tokante di kambio di klima. 

Riba djamars 26 di mart 2024 Sekretario di Estado Van Huffelen ta biaha bèk pa Hulanda.

Related posts

Eleccion di directiva nobo pa KVK lo ta otro luna

EA News Author

Parlamentario Marco Berlis (MEP): Kico ta e mensahe cu parlamentario Miguel Mansur a duna ofendiendo poblacion spiritual?

EA News Author

SER: Ley nobo di wega na Curaçao ta falta claridad riba implementacion di ehecucion

EA News Author

Leave a Comment

Whatsapp Message