Na mes momento cu e reunionnan cu gobernador a keda atendi durante oranan di mainta y merdia , parti anochi presidente di electorale Raad Rossi Marchena a saca e votonan individual pa candidatonan. Na final Lider di MEP Evelyn Wever Croes ta keda e votegetter di Aruba, sigui pa lider di AVP Mike Eman. Segun presidente di electorale Raad Rossi Marchena cantidad di personanan cu por a vota e aña aki ta 69824 y personanan cu a vota ta 56472 , votonan valido ta 55496 y votonan invalido ta 976.
Lider di partido MEP Evelyn Wever Croes ta sumamente contento cu e resultado como votegetter di Pais Aruba, esaki ta significa cu como lider di MEP y den comunidad di Aruba ta stima den comunidad y cu e sosten t’ey grandemente. Lider di MEP ta gradici tur esunnan cu a deposita nan confiansa na su persona. E siman a habri y esaki ta significa cu ta un siman nobo di oportunidadnan nobo cu ta habri. Si mester evalua eleccion pa MEP despues di sinta 7 aña ta comprendibel e resultado di eleccion.
