PoliticaFeaturedLocal

Lider di partido POR Alan Howell: “Ora mi papia mi ta cumpli!”

Ah

Recientemente lider di partido POR, Alan Howell tabatin e placer di haci entrega di diploma na mamanan hoben cu a sigui e curso durante cuatro luna duna door di Agencia pa Desaroyo y Recurso Asistencial (ADRA). E curso cu e hobennan aki a sigui ta ‘From teenage Parent to Lifecoach’, durante cual nan a haya materianan cu lo por yudanan den nan futuro, entre otro, beyesa, cosemento, cushina, obra di man, salud mental, protocol, fortificacion spiritual y salud mental.

Na e ocasion aki Lider di POR a expresa cu e ta para fuerte riba e punto cu tur hende merece un chens pa por mehora nan bida y muy especial nos mamanan hoben. “E mamanan hoben aki ta bon prepara awo pa sigui hiba nan famia dilanti, ta exitoso den bida y un rolemodel pa un otro mama hoben”.

Mirando e esfuerso cu e hobennan aki a haci, el a ofrece e mamanan hoben cu a ricibi nan diploma y cu ainda  no tin rijbewijs, rijles completamente gratis na Whooz Next Rijschool.

E siman aki, Alan Howell cumpliendo cu su promesa, a haci entrega na e hobennan aki nan pakete pa rijles completamente gratis.

E mamanan hoben y dinamico a keda super contento pa por haya un otro sosten, den e caso aki di Whooz Next Rijschool pa nan por logra un otro soño mas di nan bida cu ta nan rijbewijs den nan man. “Ban pe mamanan hoben”, Alan Howell a expresa.

Ah6Ah7Ah5Ah4AhAh2Ah3

Related posts

Durante un anochi hopi ameno, Delta Aruba Leo Club a huramenta y instala Directiva pa e aña fiscal 2022- 2023

EA News Author

Minister Endy Croes: A reuni cu secretario general di ministerio di enseñansa di Hulanda drs. Marjan Hammersma un bon reunion

EA News Author

Aeropuerto di Aruba ta yama bonbini na 4 vuelo semanal for di Medellin desde juni 2024

EA News Author

Leave a Comment

Whatsapp Message