E barku di marina Hulandes Zr.Ms. Groningen den un siman di tempu a interseptá 3 transporte di droga den region Karibe. Ku esaki un total di 1.653 kilo di droga a ser kitá for di kaya. E intersepshonnan ta data di 4, 5 i 9 di aprel, pero awor esaki a keda publiká.
Durante e promé akshon riba 4 di aprel, un avion patruyero di Wardakosta Region Karibe a nota un boto sospechoso. Despues di esaki inmediatamente e NH90-helikòpter di bordo ademas di 2 boto di intersepshon rápido (FRISC) di Zr.Ms. Groningen, a keda desplegá.
A kondusi di hui saka paketenan for di e boto tira den laman. A neglishá señalnan di stòp i tirunan di atvertensha. Desde e NH90 a tira direktamente riba e motornan di e boto/go fast i destruí esakinan.
E ekipo di Wardakosta Merikano huntu ku Kuerpo di Marina a interseptá despues 921 kilo di marihuana.
Di dos i di tres kaptura
Ni sikiera 24 ora despues, durante un patruya un biaha mas a detektá un boto rápido di kontrabanda. Tambe aki a keda obligá di stòp. Durante e detekshon aki 342 kilo kokaina a keda konfiská.
Durante un akshon similar riba 9 di aprel, 145 kilo di marihuana además di 245 kilo di kokaina a keda konfiská. Tur merkansia ilegal a keda entregá na Wardakosta Merikano.
Barku patruyero di stashon
Zr.Ms. Groningen for di fin di yanüari ta e barku stashoná den Region Karibe. Ehekushon di operashonnan kontra trafikashon di droga ta un di su tareanan. Den esaki e barku di Marina ta traha ku variashon huntu ku Wardakosta Merikano i Wardakosta Region Karibe.
Entretantu Zr.Ms. Groningen durante 6 transporte ilegal di droga a interseptá mas o menos 5.000 kilo di kontrabanda.