Un total di 587 firma ta loke partidonan cu no tin asiento den Parlamento mester tin pa por participa den eleccion parlamentario 2021 di dia 25 di juni awo. E prome partido pa logra esaki riba e prome dia tabata Movimento Soberano Aruba (MAS) lidera pa drs. Marisol Lopez Tromp.
E partido aki ta participa cu unicamente shete candidato den e proximo eleccion. Esaki ta prome biaha den eleccion na Aruba, den e era moderno, cu tin diferente partido politico nobo cu no a logra yena nan lista di 29 candidato, cu ta e maximo cu ley ta prescribi.
Na final di e prome anochi e siguiente cu ta mas cerca pa logra haya e 587 firmanan ta Raiz cu mas di 400 firma caba. E falta un tiki mas cu shen pa yega 587. Di otro banda CURPA y HTC ta e unico dos partidonan cu menos di 100 firma logra riba e prome dia.
Tur e partidonan tin te cu 18 di mei pa 8.30 di anochi pa logra yega na 587 firma.