Un di cada tres habitante di Hulanda Caribense ta biba den pobresa. Pa e motibo aki e gabinete aki ta saca 30 miyon euro pa 2024, pa mehora e forsa di compra di e habitantenan di Boneiru, Saba i Sint Eustatius. Entrante 2025, e suma aki lo subi na €32 miyon anualmente.
E cen ta bay entre otro pa e aumenta di beneficionan social na Hulanda Caribense na 2024, di cua ainda tin cu defini e aumento exacto. Cu esaki e gabinete ta tuma pasonan importante pa yega na un minimo social na Boneiro, Caba i Sint Eustatius. Tambe e compensacion pa yiu ta subi cu $90 pa mucha, pa luna. Esaki ta di acuerdo cu e ambicion pa baha pobresa infantil na mitar pa aña 2025. Mas aleu, e gabinete ta mantene e subsidio di energia di $1300 pa aña pa e entradanan mas abou tambe e subsidio di gastonan fiho di electricidad. E tarifa fiho di awa di bebe i e gastonan di conexion pa internet tambe lo sigui baha. Ademas, tur aña tin cen adicional ta bay pa mehora transporte publico i pa baha gasto di transporte.
Secretario di estado Van Huffelen:
Un dak riba cabes, cuminda riba mesa of necesidadnan extra pa mucha no ta algo natural pa hopi hende na Boneiro, Saba i Sint Eustatius. E gabinete aki ke haci algo cu esaki. Pa e motibo aki mi ta contento cu hunto cu mi colega Carola Schouten nos a logra reserva un montante grandi, no solamente pa e aña aki, pero tambe pa e añanan binidero, pa mehora bida di e habitantenan di e tres islanan. Na prome luga dor di sigui aumenta e beneficionan social, pero tambe dor di sigui contribui na servicio basico manera awa i electricidad. Nos no a yega ainda, pero e ta un paso importante pa enfrenta pobresa na e islanan. P’esei tambe mi ta ansioso pa e conclusionnan di e comision di minimo social. Den e sabiduria cu Reino, empresario, organisacion publico i habitante ta necesariamente depende di otro pa crea un nivel di servicio ekivalente i pa baha e gastonan di bida.
