Ministerio konserní di finansa Antisipando riba kambio di lei, Minister di Finansa a disidí ku temporalmente ta stòp di kobra OB (omzetbelasting) riba gasoil. Pa loke ta trata gasolin, e minister ta tuma dos medida temporal. Na promé lugá, lo bai kobra ménos ‘accijns’ riba gasolin. Na di dos lugá, e kantidat total ku lo ta kobra na OB pa gasolin lo bira ménos. E medidanan aki ta pa mitigá e subida di preis di gasolin i gasoil na Kòrsou debí na e subida drástiko di preisnan internashonal di zeta i petroli.
E ‘accijns’ riba gasolin lo bira NAf 31,07 pa kada hèkto liter enbes di NAf 41,34. Tambe na lugá di kobra 6% OB tantu riba benta dor di Curoil komo riba benta dor di e pòmpnan di gasolin, lo bai kobra solamente un bes 6% OB pa gasolin. Pa loke ta trata gasoil, e OB temporalmente lo kai kompletamente afó. E medidanan aki ta temporal. Esaki ta nifiká ku nan lo ta na vigor pa un periodo di 3 luna, kuminsando for di 13 di mei 2022