Awe ta dia di Tera Milton Ponson di ta consientisa comunidad pa tene cuenta riba e dia internacional di nos Planeta Tera (Earth Day). Riba 12 di April 1970 unda cu mas di 1.5 miyon hende a marcha na Merca na Washington DC pa exigi gobierno mericano pa cuminsa haci algo mediante di legistracion pa combati contaminacion di awa y purificacion di aire.
E dia ey tabata un marcha hopi clorioso den e centido cu gobierno mericano e tempo ey presidente Richard Nixon a crea environmental protection agency y desde e tempo ey e organisadornan di e marcha a dicidi pa conmemora e mes un fecha ey pa asina tene e marcha tur aña y dedica esaki na promove e idea pa conserva planeta tera.
Awe mainta dilanti di Dump di Parkietenbos Milton Ponson ta consientisa y ta duna di conoce cu e tema di earth day ta “ invest in or planet” inverti den nos planeta. Nacionnan Uni tambe a indica esaki cu un mensahe di Antonio Guterres secretario general di nacionnan uni unda cu a expresa cu nos ta confrontando problemanan serio riba planeta tera.
Segun ponson tin cambionan climatico cu ta causando dañonan grave. Tin problemanan serio di ecosistemanan tanto marino y riba tera di cual e serhumano ta depende pa por haya porehempel cuminda. Tambe tin hopi otro problemanan cu mester wordo soluciona.
Segun Milton Ponson di Rainbow Warriors a bira ora pa nos stop di papia, pero inverti placa sea den sector priva y gobierno pa crea infrastructura. Personanan concerni mester inverti tempo pa cuminsa berdaderamente soluciona problema sino mayan ta bay ta laat . Si no tuma accion awor aki, nos por wel di bisa planeta tera ayo e ora y e ser humano nan cu ta biba riba dje tambe.
E protesta a tuma luga dilanti di dump di partkietenbos debi cu e dump ta un ehempel bunita pa mustra cu a bira ora di stop di papia bunita y soluciona e problema di dump y soluciona e problema aki na Aruba.
Ta conoce cu recientemente gobierno a inicia un programa “Trash To Gash “ pero e idea ta demaciado laat y cu no ta bay traha mirando cu e ta un campaña cu a keda yama den desesperacion pa mustra cu gobierno ta bay haci algo, segun Milton Ponson di Rainbow Warriors.
Desafortunadamente gobierno a opta pa bay busca idea den sector priva debi cu aparentemente den nan mes un seno no tin suficiente hende sabi , pa asina lesa e raportnan di 25 aña pasa pa bin cu un solucion final. Pero loke ta mas importante ta pa tin e boluntad politico unda cu decision politico cu mester keda tuma unda cu mester cera e dump y cuminsa prosesa sushi otro caminda. Segun Milton Ponson di Rainbow Warriors Aruba tin opcionnan, pero a scoge otro caminda cu ta esun eronio cu no lo bay trece un solucion a largo plazo cu nos mester, segun ponson.
Importante ta pa gobierno sinta cu stakeholder paso Aruba tin suficiente persona cu grado academico cu sa di e materia pa soluciona e problema , pero gobierno nan consecutivo a opta pa no sinta cu nan na mesa debi cu e solucionnan cu mester wordo crea pa soluciona e problema aki na Aruba no ta bon den bista di gobierno debi cu mester bin cu tarifanan pa prosesa sushi pa cuidadano , comercio y industria. Segun Milton Ponson di Rainbow Warriors esaki ta di lamenta debi cu gobierno no ta tuma accion debi cu na momento cu mester bin cu tarifa nan ta wordo midi cu nan ta bin cu medida contra di pueblo. Pueblo tambe mester tuma su responsabilidad mirando cu lastimamente cu na momento cu bo ta un consumidor y bo ta prosesa sushi y bo no kier paga pe no ta na su luga. Na momento cu bo ta traha sushi bo tin cu spera cu nan ta bay cobrabo pa prosesa bo sushi, y si bo no kier paga e ora reduce e cantidad di sushi cu bo ta produci pa por yuda planeta tera hala rosea.
