Na St. Maarten recientemente e Honorabel Minister di Salud Publico, Desaroyo Social, y
Labor (VSA), Richinel Brug, a tene un reunion introduccion cu e camber di integridad.
E meta di e encuentro aki tabata pa promove colaboracion y discuti asuntonan di integridad
di interes mutuo. E reunion aki ta refleha e compromiso comparti di tur dos partido pa
transparencia y responsabilidad den e gobierno di Sint Maarten, particularmente e ministerio di VSA.
Integridad den nos aparato gubernamental ta di sumo importancia pa mi. Como Minister di VSA, mi ta considera cu ta imperativo cu mi ministerio ta duna ehempel. Como tal, mi ta yama bon bini na cualke iniciativa cu e Camara di Integridad ta presenta na e ministerio.
E camber di integridad, representa dor di director Charna Pompier, consehero legal Stefani
Silva, y e Consehero di Politica Amanda Browne-Laurent, a uza e reunion pa
responsabilidad nan principal. Esaki ta inclui promove consciencia pa e principionan di integridad, ofrece conseho riba asuntonan di integridad, y haci investigacion pa mantene normanan di integridad. Nan trabou ta crucial pa establece un cultura di honestidad y comportacion etico den e institucionnan di gobierno.
Durante e reunion, e camber di integridad a presenta un rapport titula Quick Scan of the Integrity Infrastructure of Government Ministries. E rapport aki, specifico pa e Ministerio di VSA, ta duna un analisa y recomendacionnan cu tin como meta pa reforsa practicanan di integridad. Minister Brug a expresa su compromiso pa revisa e rapport aki y implementa sugerencianan relevante pa mehora transparencia y responsabilidad di e ministerio. E partinan a yega na un acuerdo riba un serie di sesion informativo tocante integridad pa e ministerio. Detayenan concreto riba e asunto aki lo bini despues. Minister Brug a termina pa gradici e Camara di Integridad pa e discusion productivo y a expresa su entusiasmo pa colaboracion nan den futuro.