ORANJESTAD,Aruba
Minister di Salubridad Publico Sr. Dangui Oduber ta informa Pueblo di Aruba cu dia 5 di juni a tuma lugar e prome test di FAG den e departamento di oftalmologia na Instituto Medico San Nicolas (ImSan). Den pasado semper e operacion di catarata tabata tuma luga na Dr. Horacio E. Oduber Hospital.
Test di FAG ta wordo uza pa diagnostica problemanan di e circulacion di e parti posterior di e wowo (retina y choroid), entre otro problemanan di diabetes, ARMD, tumornan, strokenan di wowo. E ta yuda tambe pa tuma desicion tocante tratamento necesario
Minister Dangui Oduber ta contento cu e team di ImSan y tur cambionan positivo cu ta tumando luga den cuido medico na Aruba. ImSan a haya un inversion di 60 miyon florin y poco poco tur e trabounan ta kedando cla, na fin di 2020 e proyecto aki lo ser finalisa completo.
E vision di mehora cuido y amplia servicionan pa trata pashentnan na Aruba ta dunando resultado. Na final di dia nos ta prefera duna cuido medico aki na Aruba enbes di manda nos pashentnan afor. Den e cuadro aki tambe nos ta yegando na culminacion di AruBIG tambe.
