Politica

Minister di Cultura: Den cuadro di celebracion di e fecha di natalicio di Libertador G.F. Betico Croes, Gobierno a traha un Buki ‘Danki na Dje’ pa muchanan di scol basico


ORANJESTAD,Aruba

COMUNICADO DI PRENSA
Durante e conferencia di Prensa di Gobierno, Minister di Cultura a brinda informacion cu den cuadro di celebracion di e fecha natalicio di Libertador Gilberto François Betico Croes, Ministerio di Asuntonan General, Ministerio di Cultura hunto cu Comision ‘Ken ta Betico’ a traha un buki ‘Danki na Dje’. 

Buki pa muchanan di scol basico

Meta di e buki ta pa consientisa nos hobennan riba e historia di nos Pais pa asina nan por compronde nos presente y pa nan haya aliento pa fiha nan propio futuro.

E dignatario a enfatisa cu ta masha importante pa nos muchanan y nos hobennan conoce tur locual Betico Croes a haci cu awe nos tin Pais Aruba. E buki ‘ Danki na Dje’ aki lo wordo reparti na scolnan basico di Aruba. E maestronan di klas 1,2 y 3 lo haya e bunita buki ‘Danki na Dje’ pa asina nan por brinda e informacion na e muchanan. E hobennan di klas 4, 5 y 6 lo ricibi un buki pa asina nan por hiba cas y nan mes por lesa e informacion.

‘Danki na Dje’

E buki ‘Danki na Dje’ ta conta Ken ta Betico Croes, su carera profesional, su trayectoria politico y tambe e union cu ela sa di crea den e pueblo Arubano.  E ta contene informacion tocante di e grupo grandi di persona cu a bini hunto den un movecion, cu a uni nos pueblo. ‘Danki na Dje’ tambe ta contene dichonan popular di Betico Croes y tambe otro informacionnan importante di locual Betico Croes a logra pa Aruba. 

Gradicimento

Minister di Cultura a gradici Comision Celebracion Dianan Nacional, Comision ‘Ken ta Betico’, sr. Manolo Giel, Ministerio di Asuntonan General y Ministerio di Cultura pa nan cooperacion pa por a produci e bunita buki ‘Danki na Dje’.

Related posts

Prome Minister Evelyn Wever Croes: Campamento no mester ta un problema si nos ta cumpli cu regla y cuida nos beachnan

EA News Author

Parlamentario Hendrik Tevreden (MEP): E problematica di adiccion lo conoce un solucion e lunanan nos dilanti

EA News Author

MoU entre Gobierno di Aruba y UFA pa colecta data y comparti cu Santa Rosa

EA News Author

Leave a Comment