Minister di Finansa Marinka Gumbs a confirma cu Gobierno a ricibi aproximadamente Cg. 6.5 miyon for di Princess Juliana International Airport Operating Company (PJIAE), representando e tarifanan di seguridad di pasajero cobra na nomber di Gobierno desde 2019 te cu e prome trimester di 2026.
E pago aki ta bini despues di un resolucion exitoso di discusionnan largo tocante transferencianan atrasa di e tarifa di seguridad di pasajero, y ta pone PJIAE completamente al dia cu su obligacionnan cu Gobierno.
“Mi ta duna un bon bini na e pago aki di aproximadamente Cg. 6.5 miyon, locual ta pone PJIAE completamente al dia den loke ta transferencia di e tarifanan di seguridad di pasajero cobra na nomber di Gobierno. E resultado aki ta sigura cu e fondonan publico aki awor ta debidamente contabilisa y disponibel pa nan proposito intenciona,” Minister Gumbs a declara.
E tarifa di seguridad di pasajero a wordo introduci pa apoya e supervision di aviacion civil dentro di Sint Maarten. Maske cu e Autoridad di Aviacion Civil proyecta no a wordo formalmente estableci ainda, e responsabilidadnan aki ta sigui wordo ehecuta pa e Depatamento di Aviacion Civil bou di e Ministerio di Turismo, Asuntonan Economico, Trafico y Telecomunicacion (TEATT).
Minister Gumbs a confirma cu e fondonan aki lo wordo protegi y reservá pa propositonan relaciona cu aviacion, te cu e momento cu e Autoridad di Aviacion Civil bira operacional.
“E cen ki a wordo cobra specificamente pa apoya e supervision y seguridad di aviacion. Pesei ta importante pa nan keda disponibel pa e proposito ey. E fondonan lo wordo manteni den un cuenta dedica, pendiente e establecimento di e Autoridad di Aviacion Civil, sigurando cu nan por wordo utiliza pa e fortalecimento continuo di e supervision di aviacion civil na Sint Maarten.”
E Minister a expresa su aprecio na PJIAE y na tur e partinan interesa (stakeholders) envolvi den hiba e asunto aki na un conclusion exitoso.
Minister di Finansa / Minister van Financiën
Edificio di Administracion di Gobierno
P.O. Box 943, Philipsburg / Soualiga Road 1, Sint Maarten
“E resolucion aki ta demostra e balor di un compromiso constructivo y un maneho financiero responsabel. Mas importante ainda, e ta reflehá e compromiso di Gobierno pa sigura cu e herencionan cobrá na su nomber ta debidamente transferí, contabilisá y protegí den interes di e pueblo di Sint Maarten.”