Minister di Salubridad Publico Corsou Dorothy Pieters Janga : E motibo cu cantidad grandi di persona ta drenta CMC ta consecuencia di fiestanan cu tabatin siman prome

Minister di Salubridad publico Dorothy Pieters Janga den conferencia di prensa na Corsou ta duna di conoce cu e miho paso cu cada ciudadano na Corsou mester tuma ta pa vacuna. Mundialmente e ta prueba cu ta yuda baha e contagia di Corana virus y su variantenen.

Minister di Salubridad publico di Corsou ta duna di conoce cu  mester evita cu mas hende mester drenta Curacao Medical Center (CMC) , con ta evita esaki ?  Segun e mandatario actualmente e miho cos cu por keda haci ta pa vacuna, esaki no ta conta pa Corsou  so pero pa tur pais rond mundo.

Sinembargo loke cu por a mira aki tambe ta cu esunnan cu ta vacuna tambe tin un chance cu nan por keda contagia pesey mes ta importante pa nos tur cuida nos mes. E mensahe ta pa tur hende cuminsa cuida nan curpa y ta significa cu mester evita pa unda cu tin mucho hende riba otro pega , tene cuenta cu distancia, uza bo mondcapje, laba man frecuentemente.

E mandatario di salubridad publico ta conseha pa preveni mas tanto cu ta posibel. E motibo dicon un cantidad grandi di persona ta drenta den CMC na Corsou ta e consecuencia di e fiestanan cu tabatin anteriormente. Loke cu ta un realidad ta cu e virus no ta na momento cu bo contagia cu ne bo ta bira malo na e mes un momento, pero e ta tuma su tempo pa e presenta su mes, esaki ta e consecuencia di e personanan cu actualmente ta drentando den CMC na Corsou cu ta e consecuencia  y resultado di e fiestanan anterior.