Presenta pa Maria College MAVO
Diabierna anochi Minister Endy Croes a presencia e presentacion Musical ‘Planta awe, cosecha mañan’ cu Fundacion Crea y Conserva Arte y Cultura di Aruba (CCCA) y Maria College MAVO a produci bou direccion di Ferdinand Franca. E musical aki a wordo dedica na nos baluarte Sr. Vicente Ras cu a ronca e tambu den Cas di Cultura.
E After School Program (ASP) na Maria College Mavo a presenta un musical basa ribe e tema ‘Turista riba mi isla’. E ta un programa educativo despues di scol, unda e alumnonan ta siña habilidadnan di teatro, musica, baile y arte visual. E Musical a conta cu participacion di 50 hoben. A trece e historia di Aruba, canticanan di antes, bailenan di nos folklore, temanan actual y mensahe positivo pa e publico presente
Minister Endy Croes ta felicita e hobennan di Maria College MAVO, Fundacion CCCA y sr. Ferdinand Franca pa un excelente show yena cu energia, talento y creatividad.
