FeaturedLocal

Minister Endy Croes ta felicita Setar N.V. cu un exitoso y fabuloso concierto di gala tribute 70 years of Carnival Music

Setar Gala Concert

Diabierna ultimo, Minister Endy Croes acompaña pa su kerida esposa Dilailah Croes a atende e concierto di gala Tribute 70  years of Carnival Music organisa pa Setar N.V.  Minister Endy Croes a representa Minister di Cultura Xiomara Maduro na e ocasion special aki. Un anochi di gala unda cu a conmemora e bunita aniversario di Carnaval 70. E meta di e concierto nostalgico aki ta pa crea un coleccion di nos musica di Carnaval y documenta esaki como parti di nos herencia cultural pa nos generacion y futuro generacionnan. Alrededor di 23 cantante a presenta e temanan mas popular y memorabel di nos historia di carnaval. Diferente artista grandi di e tempo ey a presenta e anochi aki, manera Baptiste cu a interpreta e cancionnan di Lord Boxo, Mighty Red di S United, Rusty y Lady K. E cantantenan tabata acompaña pa un tremendo orkesta cu a consisti di musiconan local y internacional bou guia di Sr. Carlos Bislip. Esnan presente sigur por a disfruta di un bunita, magno y fabuloso evento yena cu ambiente y nostalgia.  Pa finalisa, Minister Endy Croes ta felicita director di Setar N.V. Sr. Roland Croes y ekipo completo di Setar cu a prepara e evento aki, un bunita iniciativa cu a hiba tur hende bek den tempo cu recuerdo di e tempo ey te cu aworaki. 

Setar Gala Concert5Setar Gala Concert4Setar Gala Concert2

Setar Gala Concert.2

Related posts

Pronostico di tempo diahuebs 16 di juni 2022

EA News Author

Ex presidente di sindicato TOPA Rene Bernabela: Sr. Jaybert Dijkhof a acusami y no por para pa esaki

EA News Author

Awe aruba ta den e situacion di RAFT debi cu gobiernonan den pasado no a para fuerte pa para pa implementa BTW

EA News Author

Leave a Comment

Whatsapp Message