Minister Plenipotenciario Suplente mr. Ady Thijsen y esposa Yshel Thijsen-Rasmijn a asisti na e “Tula Herdenkingsconcert 2022” cu a tuma lugar na Amsterdam. Tambe presente na e concierto tabata Secretario di Estado pa Asuntonan di Reino Alexandra van Huffelen, Minister Plenipotenciario di Curaçao Carlson Manuel y Minister Plenipotenciario di St. Maarten Rene Violenus.
E aña aki e concierto a consisti di actuacion di e Famoso Jazz Orchestra di Concertgebouw di Amsterdam hunto cu e pianista virtuoso, componista y arreglista di Curaçao Randal Corsen. Artista invita tabata e vocalista Curasoleño Dibo Doran.
