Ministerio di Husticia ta na altura di comentarionan publico reciente tocante provision di cuminda y privilegionan di prizoneronan na prison di Point Blanche.
Ministerio kier clarifica cu na ningun momento a nenga prizoneronan nan cumindanan diario regular. Un cambio operacional relaciona cu un proveedor di cuminda a resulta den sustitucion di un proveedor di galiña pa un otro. Esaki no ta algo straño den areglonan di catering institucional y no a interumpi e provision di cuminda.
Separa di esaki, un actividad familiar relaciona cu cuminda tabata funciona como un privilegio extendi dentro di e regimen di prison. Conforme cu e reglanan interno y procedimentonan operacional, ciertonan privilegio por wordo restringi temporalmente ora cu tin preocupacion tocante comportamento of cumplimento. E medida aki a afecta participacion den e actividad pa algun prizonero especifico so, y no tabatin impacto riba e acceso na e cumindanan standard.
Ministerio ta preocupa cu un cantidad di alegacion y articulonan publico a wordo circula sin cu a busca verificacion formal ni cerca e maneho di prison, ni cerca Ministerio mes. Publicacion di informacion incompleto of incorecto ta core e risico di crea confusion y desordo incesario.
Ministerio di Husticia ta sigui comprometi pa mantene condicionnan di detencion cu ta safe, seguro y humano, de acuerdo cu e normanan aplicabel y procedimentonan operacional.