E ministernan di Salud di Aruba, Curaçao y Sint Maarten, hunto cu e secretario di estado di e Ministerio di Salud, Bienestar y Deporte di Hulanda, a reuni 20 di november 2025, na Sint Maarten pa e Consultacion di Cuater Pais riba Salud Publico. E dialogo anual di nivel halto aki ta keda un piedra principal pa un gobernacion di salubridad coordina y desaroyo di politica comun den Reino Hulandes.
E consulta di e aña aki, e prome desde 2023, a trata retonan di salud publico comparti y oportunidadnan strategico pa un cooperacion regional mas profundo. E agenda a enfoca riba areanan prioritario, entre otro:
* Fortificacion di cuido di salud transfronterizo y preparacion pa pandemia
* Mehoracion di capasidad di reaccion na crisis y desaster
* Promove iniciativanan comun den cuadro di salud mental, prevencion y promocion di estilo di bida saludabel
* Mehoracion di continuidad di cuido, desaroyo di forsa di trabou y capacidad di formacion den henter e sector di salud
Resultadonan
Den caso di preparacioln pa pandemia y lucha contra malesa infectacional e cuater paisnan ta di acuerdo cu e desaroyo continuo di e Dutch Caribbean Public Health Expertise Network (DuCaPHEN). Di e forma aki ta reforsa e compromiso compari pa intercambio di experencia y coordinacion regional den e area di salubridad publico. E paisnan tambe a reafirma nan intencion pa traha pa un legislacion armonisa di salud publico den e parti Caribe di Reino, cu atencion particular na e area di cuido involuntario di salud mental y referencia transfronteriso di clientenan di salud mental.
E cuater paisnan ta tuma pasonan pa mehora preparacion pa crisis, cu ta esencial pa sigura cu e Reino por reacciona na un manera coordina y efectivo na cualkier crisis di salubridad..
Compromiso Colectivo
E consulta, organisa door di e Minister di Salubridad Publico, Desaroyo Sosial y Labor di Sint Maarten, a termina cu e firma formal di conclucionnan cu ta enfatisa nan compromiso colectivo pa fortalece sistemanan di salubridad publico y cooperacion den Reino.
Minister Richenel Brug (Sint Maarten): ‘E acuerdo di awe ta reflehs nos determinacion comparti pa construi un sistema di salubridad publico resiliente, responsivo y colaboratibo pa e hendenan di nos islanan. Fortificasion di e partnershipnan aki ta esensial pa salvaguardia salud y bienestar den henter e parti Caribense di Reino.”
Minister Roderick Middelhof (Curaçao): “Un sistema di cuido di salud fuerte ta basa riba preparacion, prevencion, bienestar mental, kalidad y un forsa di trabou capas. Comprometiendo nos cu e principionan aki hunto, nos ta fortalece nos resiliencia colectivo.”
Secretario di Estado Judith Tielen (Paisnan Bas): “ Pashentnan cu mester di cuido compleho di salud mental ta entre esnan mas vulnerabel. Nos ta yuda nan door di fortalece servisionan di salud mental pa tur hende den Reino. Cu nos esfuersonan hunto nos tin como meta pa crea un alineacion entre nos leinan y reglanan den e tereno di cuido involuntario di salud mental. Mi ta sumamente agradecido pa e boluntad di cada pais pa yuda duna e servicionan aki na pashentnan for di islanan unda cu e tipo di cuido ainda no ta disponibel.
Minister Melvin Wyatt – Ras (Aruba): “ Mi kier reconoce un momento importante pa Aruba. Nos tin e honor di asumi e presidencia di e Consulta di cuater pais pa e aña binidero. Ta un responsabilidad cu nos ta risibi cu dedicacion y orguyo. Nos ta ansioso pa e siguiente seccion di e trabou cu nos a haci awe. Aruba lo haci esfuerso pa sigui fomenta cooperacion, inovacion y unidad den e Reino. Semper guia pa e conviccion cu un Reino mas saludabel ta un Reino mas fuerte.”
Press release: Gobierno di Sint Maarten
