Entidad publico Boneiro ta anuncia cu tin intencion pa otorga 65 parcela di
tereno di gobierno na ciudadanonan di Boneiro. E accion aki ta di acuerdo cu e veredicto
di Corte Supremo den e caso Didam di 26 di november 2021. Segun e decision aki,
instancianan gubernamental mester anuncia publicamente nan plannan pa distribushon di
bien inmobil y sigui mantene un procedemento di seleccion husto.
E parcelanan cu ta den e plan di otorga ta situa na Rincon y Kralendijk.
E parcelanan di tereno aki c.q. tereno di erfpagt, ta unicamente pa vivienda, segun stipula den e Plan di Desaroyo Teritorial Boneiro (Ruimtelijk Ontwikkelingsplan Bonaire – ROB). Riba website
di entidad publico Boneiro (www.bonairegov.com) por mira e parcelanan cu ta disponibel
hunto cu un mapa di tereno.
Procedemento di seleccion E candidatonan intenshona pa otorgamento di e parcelanan
di tereno di gobierno na èrfpagt ta esunnan cu tin e numbernan 1 te cu 65 riba e lista di
espera. Ta trata di e lista pa construccion di vivienda cu fecha di entrega di nan peticion
cu fecha for di 13 di augustus 2004 te 11 di april 2011. E procedemento ta tuma luga pa
medio di tiramento di lot den presencia di un notario. No ta posibel pa indica preferencia
pa un tereno specifico prome cu e tiramento di lot tuma luga.
Obhecion y termino di reaccion – No por entrega ni institui ningun punto di bista, ni
obhecion, ni apelacion den sentido di e Ley General di Derecho Administrativo (Awb)
contra e traspaso propone. Si bo ta di opinion cu bo tambe mester bini na remarca pa
emision di e tereno aki of bo no por bay di acuerdo cu e intencion aki, bo mester haci
esaki conoci denter di un periodo di 20 dia calendario despues di e publicacion,
entamando un caso sumario cerca Corte di Prome Instancia. Banda di esaki bo tin cu
manda un copia digital di e sitashon na directie_ro@bonairegov.com. Por fabor indica riba
esaki e number di referencia y titulo di e publicacion.
Pa mas informacion of comentario, por tuma contacto cu e Directorado di Espacio y
Desaroyo via directie_ro@bonairegov.com.
Cu e publicacion aki, entidad publico Boneiro ta duna ehecucion na e veredicto di Corte
Supremo (Hoge Raad) di 26 di november 2021 (ECLI:NL:HR:2021:1778) y e veredicto di
15 di november 2024 (ECLI:HR:2024:1661).