Riba 2 di mei 2022 pa 6:35 central di polis a dirigi patruya na Poschikito pa un melding cu nan a ricibi cu a keda scucha tiro den e bario. Na e sitio polisnan a papia cu un sra di inicialnan R.R cu a declara cu pa banda di 6:30 e tabata pafo di cas hunto cu su yiu y e tabata papia cu e bisiña. Diripiente e la scucha un auto ta bin cu a hala su atencion, mesora e la pone atencion riba e marca di e auto cu ta un Nissan tipo march blanco cu glass getint cu tabata biniendo direccion di su cas coriendo poco poco dilanti di su cas. Despues diripiente e la tuma nota cu e homber den e auto a saca un arma di candela for di bentana di e auto y a apunta den su direccion. Na momento cu e la tuma nota di esaki e la bisa su yiu homber y hunto nan dos a core bay paden di e cas, pero a scucha 4 tiro den nan direccion. Recharche y BFTO a presenta na e sitio y a cuminsa cu e investigacion.
Nissan March Blanco ta pasa poco poco dilanti cas y ta los 4 tiro den direccion di mama y yiu
