CuracaoInternacional

Notisia Polisial Korsou: Kaso di tiramentu ku herido

Auto Di Polis Corsou

Djaweps 28 di yanüari 2020 alrededor di 22.25’or, Sentral di Polis a risibí informashon di un
kaso di tiramentu ku a tuma lugá riba Kaminda Serapio A. Pinedo i ku tin hende heridá.
E unidat ku a yega promé na e sitio a topa ku dos hòmber ku herida di bala.
For di investigashon ku polis a hasi na e sitio a sali na kla ku un grupo di persona tabata na
un snèk riba e kaya ariba menshoná. Diripiente nan a tende zonido di bala for di un arma di
kandela ku tabata bini for di direkshon di e edifisio ku antes tabata warda di polis Soto. Bala
a alkansá dos hòmber ku tabata na e momentu di tiroteo na e snèk. Un di e hòmbernan a
risibí bala na su man i e otro na garganta.
Un di e víktimanan a keda transportá ku ambulans pa Departamentu di Emergensia di
C.M.C. i e otro víktima a bai C.M.C. den outo personal.
Na e sitio polis a konfiská basta kashi di bala ku tabata den área di antes warda polis Soto i
tambe dos vehíkulo ku tabatin perforashon di bala.
Departamentu di Reshèrshi ta kontinuá ku e investigashon.

Politie Police Polis

Related posts

Saba i Bonaire ta firma Agenda di Edukashon ku Hulanda

EA News Author

Tourism Corporation Bonaire ta introdusí e promé “Marshe di Rincon” komo un eksperensia markante pa nos poblashon lokal i nos bishitantenan

EA News Author

Corsou tin su propio iMap pa turistanan por discrubri mas di Corsou

EA News Author

Leave a Comment

Whatsapp Message