KRALENDIJK,Bonaire
Personal di e barku krusero Seaborn Odyssey ta hasi un asina yamá ‘SOLAS drill’ na parti nort di Klein Bonaire djaluna 29 di yüni. Esaki ta un tèst pa wak si tur ekipo ta funshoná bon. E tèst ta kuminsá 8 or di mainta. Siman pasa e barku krusero Caribbean Princess a bini Boneiru pa tambe hasi un tèst asin’aki.
E barku Seaborn Odyssey ta yega Boneiru djaluna mainta trempan. Ta tripulashon di e barku so ta na bordo. Tripulashon di un barku krusero ta obligá pa tèst regularmente kon pa aktua na momento ku mester evakuá pasahero. Debí na COVID-19 te novèmber niun barku krusero no ta bini Boneiru pa mara i baha turista.
.