PoliticaFeaturedLocal

Parlamentario Endy Croes: Benny Sevinger kier Libera Aruba Benny y AVP a vota contra presupuesto 2020 y contra a ayudo di FASE y Loonsubsidie pa pueblo

Endy 14

Parlamentario Endy Croes a splika cu el a tuma nota di un conferencia di prensa siman pasa unda Benny Sevinger ta papia cu ta aña di elecion y aña di Liberacion di Aruba di e gobierno actual. Parlamentario Endy Croes ta kere cu Benny “Avestruz” Sevinger  mester “watch out” paso e aña di Liberacion cu Benny a expresa por bien termina den aña di Encarcelacion. Tristo ora Benny papia di crisis social y di e situacion cu henter nos pueblo ta bibando aden.

Benny a vota contra presupuesto 2020:

Momento cu e crisis a dal Aruba, mesora a jama reunion publico den Parlamento pa aproba un presupuesto diferente. Expertonan a usa diferente methodo pa core scenarios. Asina a yega na un suma gigantesco di 1.2 biyon florin di deficit teniendo cuenta cu efecto di e pandemia. Den e suma aki a tene na cuenta pa yuda alrededor di 37000 mama y tata di famia cu nan salaris y otronan cu FASE pa asina mantene nos comunidad cu entrada. Ta masha frapante cu Benny Sevinger hustamente un Parlamentario cu a vota contra e presupuesto 2020 awe kier papia di e ayudo social. Unaves Bo a vota contra e presupuesto Bo a bay contra tur e famianan cu tin mester di un ayudo. Gobierno actual a inverti un total di 339 miyon florin durante aña 2020 na Loonsubsidie, FASE y MKB steun. E suma aki a cubri 21000 mama y tata di famia atraves di Loonsubsidie y casi 4000 persona cu ta ricibiendo FASE. Alrededor di 1812 compania cu a ricibi e ayudo di 4000 pa kwartal. Banda di esaki gobierno a bin cu Social Crisis Plan desde cu gobierno aki a tuma e mando over y aki  a inverti 36 miyon florin pa asina trese alivio y solucion cu tabata caotico promer cu november 2017 hustamente e periode di Benny Sevinger y AVP. Unico cos cu Benny Sevinger tabata precupa cune durante 8 aña di AVP ta tereno y con e por a facilita masha hopi amigo y friendsnan di AVP pa yega na terenonan di pueblo y despues bende esakinan cu entre otro gruponan Venezolano. Asina tin prueba por ehempel di un solo tereno na Eagle cu a wordo bendi pa 3.5 miyon us dollar. Keho official cu tur pruebanan ta entrega desde februari 2018 na Ministerio Publico. Ministerio Publico a drenta cas di Benny 1 di october 2019. Benny ta sospechoso di 5 encargo hopi pisa. Pues conseho na Benny Sevinger lo ta mihor e atende cu su caso y cuminsa prepara su defensa pa nan no cay mucho di sorpresa riba dije. Terminando un partido ( AVP) y Benny Sevinger kendenan a vota contra presupuesto a vota contra e ayudo pa pueblo no merese ni di para dilanti un camara pa papia di e topico aki.

Endy 14 Scaled

Related posts

Frakshon di MAN den kambio di lei kodigo sivil: Ta introdusi verlof pa tata

EA News Author

Kustwacht a bolbe canta BINGO!

EA News Author

Dr. Vallejo :Medidanan tuma den pandemia no a duna resultado

EA News Author

Leave a Comment

Whatsapp Message