Parlamentario Endy Croes a splika cu e pandemia a dal mundo henter hopi fuerte. Aruba sinembargo ta depende rina un pilar economico cual ta nos turismo a sinti esaki mas duro cu hopi otro partinan rond mundo. No obstante gobierno bou liderasco di Evelyn Wever Croes a percura pa tuma e mihor desicionnan pa proteha nos pueblo y juda nos sali poco poco for di e Pandemia aki.
Encuesta hasi den luna di juni 2020 a papia hopi kla:
Resultadonan di e encuesta “ Building Strong Foundations for Economic Recovery & Resilience Community” a ilustra factornan hopi importante. Den luna di juni 2020 a conduci 2 encuesta digital cual a reconfirma e trabou desplega pa 17 diferente task force y mas di 125 proficional kendenan a repasa rapportnan y estudionan existente revalidando esakinan cu un serie di consulta cu stakeholdernan. Asina por menciona cu mas di 80% di e contestanan ta indica kiko tur lo mester wordo hasi como e yabi pa construi un base fuerte pa cu e recuperacion di nos economia como uno sostenibel y resiliente.
Encuesta a papia kla:
E encuesta Building Strong Foundations for Economic Recovery & Resilience Community a ilustra hopi kla cu 80% ta pensa cu entre otro Bon Gobernacion-Tumamento di desicion corecto- carga responsabilidad, Integridad, Rendimento di cuenta, Etica y Confiansa ta forma e base pa construi un economia solido y resiliente. E plan Reposicionando e Rumbo di nos Pais ta un planificasion basa riba 3 aña. A tene cuenta cu tur e aspectonan aki den dicho plan. Alaves a aliña e acuerdonan firma den Landspakket cu lo forma parti di e reformenan aki. Den nos programa di gobernacion 2021-2025 lo tene cuenta cu 5 proyectonan di aceleracion pa duna estimulo y contenido na henter e plan. Tanto reforme y modernisacion di leynan labora, eliminacion di Red Tape percurando pa eficiencia den procesonan, reforme sistematicamente di belasting, E- Government y lo introduci un plataforma confiabel pa comparti data y lo fortalese capacidad legislativo. Parlamentario Endy Croes ta termina splicando cu tin hopi trabou nos dilanti den e fase pa cu recuperacion di nos economia y recuperacion di pais Aruba. Man na obra!
