FeaturedPolitica

Parlamentario Shailiny Tromp-Lee: Betico Croes semper a carga confiansa y fe den nos pueblo, den nos caracter y mentalidad

Shailiny Tromp Lee

Durante di un di Betico su discurso e la bisa lo siguiente: “Semper ami tawata carga e confiansa y fe den e pueblo aki. Semper m’a carga e confiansa den e mentalidad y caracter di e pueblo aki y pesey nos por bisa cu pueblo di Aruba a salba su honor y dignidad realisando su libertad “

E caracter y mentalidad aki ta loke ta bay yuda nos recupera y surpasa tur reto. Pesey mes nos mester enfatisa e echo cu nos mester sigui papia di su legado, di e lucha cu e la hiba. Di e motibo pakico nos ta yam’e nos Libertador y arkitecto di nos Status Aparte. Ta unico manera cu nos lo sigura cu nos ta sigui aprecia loke nos tin y tur loke nos a logra desde cu nos a haya nos Status Aparte.

Pesey mes diahuebs awor, dia 25 di januari, laga nos rindi honor na su memoria. Bisti bo T-shirt, hisa bo bandera y sali celebra. Pero tuma tempo tambe pa papia di dje, conta bo yiu y nietonan di su lucha. Pa nan sa cu aki na Aruba nos tabata biba bou otro circumstancianan prome cu 1986. Y cu desde 1 di januari 1986 Aruba a crece y florece. Y esaki sigur tabata danki na Betico!

Feliz Dia di Betico Aruba! Ban recorda y celebra su fecha natalicio en grandi y contagia nos mes cu e candela di lucha pa semper nos sigui hiba Aruba padilanti.

Related posts

Aruba ta conoci pa su trankilidad y siguridad cu ta loke nos tin cu mantene

EA News Author

Boneiru ta yama bon biní na krusero “ enchanted princess

EA News Author

Minister Endy Croes contribuyendo na un proyecto di salud mental pa nos hobennan

EA News Author

Leave a Comment

Whatsapp Message