Parlamentario Wendell Mercelina : Organisacionnan no mester mira solamente kico gobierno por haci pa nan pero kico nan mes por haci pa Corsou

Parlamentario pa Partido Nacional di Pueblo Wendell Mercelina ta duna di conoce su punto di bista  despues di e reunion di abuso di violencia domestico cu a tuma luga. Segun e parlamentario e reunion di e organisacionnan aki mester bay un reunion publico den staten y mira caminda cu por yuda y fortifica e posicion.  Sigur pa gobernacion mester mira kico lo mester bay haci y cu e agenda aki di violencia domestico y abuso di mucha tin un prioridad pa gobierno. Pa e parlamentario esey ta hopi importante y cu mester cuminsa centralisa hopi organisacionnan cu bo ta sinti cu den e cadena hudicial cu e organisacionnan no ta cana den e mes un liña. E organisacionnan mester ta bon organisa y esunan cu no tin nan organisacion den ordo no ta cumpli cu e standarts nan di gobierno  mirando cu gobierno tambe ta traha cu exigencia y e organisacionnan no por mira solamente kico gobierno por haci pa nan , pero kico nan mes por haci pa isla Corsou.