Ora un hende kier biba manera e kier, na su manera, e lo haña resultado manera e kier ,pasobra bida di hende ta cosecha di locual nan mes a sembra.
Locual abo a sembra den bo bida, ningun hende no ta bay coseche pa bo, ta bo mes ta bay hañe, pesey nos ta recomenda un bida cu respet y temor di Dios, pasobra aunke cuanto sabi un hende por ta, cuanto placa e por tin, of un posicion halto, nada di e cosnan ey no ta impresiona Dios, pasobra Dios ta Soberano.
Actitud di hende, ta demostra tur cos, karakter, integridad, seriedad, decensia, y hasta e relacion cu nan tin cu Dios.
Nos bida cu nos tin cu Dios, no ta un bida di mascarada, tampoco di makiyahe, pasobra Dios ta wak directamente na nos curason, y Dios no ta haci wega, Dios ta serio, E tin misericordia, E lo no reprende pa semper( Salmo 103:9) ni keda rabia pa semper.
Pero ora nos sa cu nos ta robes, y nos consenshi mes ta bisa nos cu ta trata di pica, nos tin di tene cuidao pa nos no tenta Dios, y asina cay den scuridad diabolico.Pasobra eynan nos ta demostra cu nos a scohe pa peca voluntariamente.( Hebreonan 10:26),
Siña mi haci Bo boluntad, pasobra Abo ta mi Dios,laga Bo bon Spirito guiami na e tera di rectitud ( Salmo 143:10).
No uni boso mes den yugo desigual,cu incredulonan, pasobra ki compañerismo husticia tin cu inhusticia, y ki comunion lus tin cu scuridad, Of ki harmonia Cristo tin cu Belial, of kico un creyente tin cu un incredulo. Of ki combenio e tempel di Dios, tin cu idolo.Pasobra nos ta e tempel di e Dios bibo, manera Dios a bisa: Lo mi biba den nan y cana meymey di nan,y lo Mi ta nan Dios, y nan lo ta mi pueblo:
Pesey sali for di meymey di nan,y separa boso mes, Señor ta bisa, y no mishi cu loke ta impuro, y lo mi ricibi boso,Y lo Mi ta un Tata pa boso,y boso lo ta yiu hombernan y yiu muhernan pa Mi, e Señor Todopoderso ta bisa.( 1 Corintionan 6:14-18).
Pesey , como cu awor nos tin e promesanan aki, stimanan, laga nos purifica, cu tur impuresa di carni y spirito, y asina perfeciona nos santidad den e temor di Dios. ( 1 Corintionan 7:1).
No laga ningun hende gaña boso pasobra, buracheria,,droga, inmoralidad,paranda, perversidad, adulterio, violencia, mentira, ta leu for di boluntad di Dios. Tur esaki ta pertenece na e mundo di scuridad, tur esaki ta parti di e plan di e enemigo.( Juan 10:10).
E palabra di Dios ta bisa cu tentacion lo bini, pero nos no ta esnan cu ta causa tentacion, pasobra e palabra di Dios, ta bisa cu ay di esun cu ta causa tentacion, y cu ta pone un di e chikitonan cay.(Marco 9:42-43).
Ta imposibel pa nos ta apoya tentacion y sirbi Dios na mesun momento.
Sinembargo, e fundeshi firme di Dios ta para, seya cu e inscripcion aki: Señor conoce esnan cu ta di dj’E y laga tur esnan cu ta menciona nomber di Señor abstene di maldad.( 2 Timoteo 2:19).
Dios den su gran misericordia ta ofrece oportunidad pa arepenti, bolbe bek, y pone Hesus Cristo na prome lugar den nos bida, pasobra ta Dios so nos tin cu alaba, ta un Dios hende por sirbi, ta dificil pa un hende ta sirbi Dios , y na mesun momento e kier ocupa, su mes den cosnan di mundo.