Local

Pastor Marcel Balootje: Ta tempo pa sali for di scuridad y enganjo

Pastor Marcel Balootje

Cristo Hesus ta e lus di mundo, y un hende por ta con sabi,studia,elegante, rico,inteligente,cu e kier ta , pero mientras e no tin Cristo Hesus den su curason y na prome lugar den su bida, scuridad di mundo lo domina su bida.

No tin otro manera pa yega na e lus di bida, si no ta pa medio di Cristo Hesus, Cristo Hesus ta e unico mediador entre Dios y hende, no tin otro mediador, ningun hende por tuma Su lugar.

Dios a manda Su unico Yiu, pa ken cu kere den dj’E no bay perdi ma tin bida eterna, esey ta nifica pa tur hende, cu si bo no tin Cristo Hesus den bo bida, bo ta perdi, y si bo no arepenti, lo bo termina den fierno.Esey ta e berdad y ningun hende por cambie.

No tin pas sin Cristo,pasobra Cristo Hesus ta nos pas, nos refugio,nos speransa y nos Salbador.

Hesus a bisa Ami ta e lus di mundo, esun cu sigi mi lo no cana den scuridad,ma lo tin e lus di bida.

Scuridad ta nifica laga bo capricho, orguyo, duresa di curason y amargura domina bo bida, esey ta scuridad, y bo por lese den 1 Corintionan 6:9-11, y Galationan 5:19-21. Eynan tur asunto di scuridad ta wordo indentifica completamente.

Mientras cu Romanonan 1:18-32 E palabra di Dios ta siña nos kico lo pasa cu esnan cu ta laga idolatria,inmoralidad y engaño domina nan bida y no kier reconoce Dios.

Dios ta yama nos tur pa sali for di scuridad y bini na Su lus.

Den Romanonan capitulo 2 :1-16 Dios ta papia di Su huicio husto cu lo baha riba tur esnan cu no kier bandona scuridad.

Den 1 Juan 1:5 ta para scirbi: Y esaki ta e mensahe cu nos a tende di dj’E,y ta anuncia na boso cu Dios ta lus y den dj’E no tin nada, nada di scuridad.

Tin hopi hende tin nan mes y henter nan famia wanta den scuridad, sin futuro, den un bida spiritual morto , pasobra nan ta gusta scuridad, y ta rechasa e amor di Dios, pasobra nan kier permanece den scuridad.

Nos tur a mira grupo di scuridad manifesta cu nan existencia, demostrando cu nan ta reta Dios, pasobra cada ken cu bay contra Dios su principio, y standarte ta reta Dios, y tur hende cu a reta Dios, ta pasa den hopi mal tempo, y hopi a muri den nan eror.

Mas si nos cana den lus mescos cu E ta den lus,nos tin comunion cu otro, y e sanger di Hesus, su Yiu ta limpia nos di tur pica.( 1 Juan 1-7).

Ta tempo pa tur hende bira serio y no participa na ningun obra di scuridad, sino expone tur locual cu ta scuridad, no sconde nada, pa ningun hende, no gamble cu bo bida, pasobra ningun hende sa ki dia , ni ki ora nos Salbador Cristo Hesus lo presenta,

E no a duna e 5 virgennan bobo tempo pa bay pone zeta den nan lampi, asina nos tur mester compronde , cu nos mester ta prepara.

Hopi ta haci wega y kere cu ta hende, nan ta rechasa, sin tene cuenta cu cada dia cu un hende biba boluntariamente den scuridad , ta un dia mas for di presencia di Dios.

Laga boso lus briya dilanti di hende, di tal manera cu nan por mira boso, bon obranan, y glorifica boso Tata cu ta den shelo,(Mateo 5:16),

Related posts

Inscripcion pa 21+ Toets na IPA a habri dia 1 di juni 2020

EA News Author

Aruba Bank ta clausura di 16 Walk & Run exitoso y cu bunita donacion na KWF, premio y celebracion cu Ataniro

EA News Author

Tin un luz na horizonte si nos sigui cu disciplina pa no tin mas caso positivo. Pa 5 dia consecutivo NO tin ningun caso positivo di Covid-19 na Aruba

EA News Author

Leave a Comment

Whatsapp Message