Local

Pastor Marcel Balootje: Un yiu mester wordo balora y no malcria

Pastor

Nos tin un pregunta masha delicado,  cu ta causa dolor y cu ta sosode tur dia:

!Ora un mama ta sali cas cu un yiu muher menor di edad, laga nos bisa entre 11 pa 17 aña y e mucha tin un Short extremadamente chikito bisti, y un Blusa asina chikito cu casi tur su curpa ta wordo expone , nos ta haci e pregunta: 

E mucha ey no a sali cas hunto cu su mama?

E mama no ta mira? 

Of nan tur dos su cabes ta lokia?.

Ora un tata ta sali cu un yiu homber , y nan dos ta bebe, papia palabra malo cu otro, y yiu ta busca problema ,y e tata no ta stop e. Ki sorto di tata esey ta? 

Malcriansa di mucha, ta un peliger, pa e mucha, pa su mayornan, pa comunidad, y ta daña henter e bida di e mucha.

Un mucha malcria no solamente ta un berguensa pa su mayornan, pero un mucha asina su comunicacion cu Dios ta hopi fragil, pasobra e ta lanta sin amor , sin respet y sin displina.

Y asina cu e mucha lanta sin disiplina for di cas , e ta bira dificil pa coregi na scol, na iglesia,riba tereno di futbol, unda cu e bay e tin problema pasobra su mayornan a neglisha su educacion.

Hopi biaha nos ta tende di un mucha problematico, y awendia tin hopi nomber, den area psicologico pa un mucha asina, y tin asina tanto tipo di tratamento, cu ta costa un monton di placa, pero un di e cosnan notabel ta cu su mayornan a laga cos bay for di man.

Ora nos no lanta un mucha den e palabra di Dios, y ora nos como mayor no haci locual Dios a encarga nos, nos tin 95% di tin un yiu malcria y cual lo ta un berguensa pa nos mes.

Duna un mucha tur loke e kier no ta nifica, cu bo ta stime. 

Permiti un mucha haci locual cu e kier no ta nifica libertad. 

Duna un mucha libertad di hende grandi, pa abo como mayor por haci cos di mucha, esey ta maldad.

Nos ta referi di bisa un mucha cu e ta grandi cu e por keda cas su so, cu e mes por wak pa su mes, lage keda na cas di hende, djis pa abo cu ta mayor por ta riba caya, y hopi biaha , den bar , den happy hour, coriendo paranda y hasta envolvi den adulterio y asuntonan inmoral.

Laga nos no gaña nos mes, tin hopi mucha cu ta sera den prison, no ta pasobra nan a haci malo, pero pasobra nan mayornan a malcrianan, a permiti asina tanto libertinahe den nan bida cu nan a bin cay sera, na un edad hopi chikito y awor mayornan ta yora, y e mucha su hubentud ta perdi.

Awendia tin cosnan cu hopi hende no kier tende, y hasta nan ta wordo mira como abuso, y maltrato di mucha:

Esun cu laga di usa bara ta odia su yiu, ma esun cu ta stime ta disipline for di tempran.( Proverbionan 13:24).

Disiplina bo yiu, mientras cu tin speransa ainda, y no desea su morto.( Proverbionan 19:18).

Bara y reprendemento ta duna sabiduria,ma yiu laga pa su cuenta, ta pone su mama na berguensa.(Proverbionan 29:15).

Coregi bo yiu, y e lo duna bo trankilidad, si e lo haci bo alma contento. ( Proverbionan 29:17).

Disiplina, y coreccion no ta nifica maltrato, pero ta prevencion di maldad y fundeshi di moral y respet.

Related posts

E Ministerio Voluntario di Freewinds y e Departamento di Bombero di Aruba ta yuda Aruba mantene seguridad pa cu Covid-19.

EA News Author

DVG ta enfatisa cu pa ricibi vacuna mester traha cita

EA News Author

Minister Endy Croes ta felicita y gradici Colegio San Augustin cu 75 aña den enseñansa di Aruba

EA News Author

1 comment

Leave a Comment

Whatsapp Message