Grandi, colorido y yena cu alegria tawata e show “Cu Amor” di Pierewietje y Flash e aña aki.
Cas di Cultura tawata e escenario principal y cada artista infantil y hubenil a sa di briya manera streanan colorido iluminando e bista for di e escenario. Tanto e gruponan como cada solista a ricibi aplauso na cantidad. E mc Ruben Garcia a haci tremendo trabao poniendo e publico sinti su mes na cas den Cas di Cultura. Algun cancion y baile cu e publico a disfruta di nan tawata Flor y Barbulet, Ali Baba, Un mundo real, Single lady, Me too, Dance monkey, Tik Tok cu Marie Claire Denz, Stairway to heaven di Carl Petrocchi y Carlo Jansen, Nos mester di amor, Can’t wait y Jamboleo di Flash hunto cu Angelo Figueroa riba gitara. Pabien na Tante Marta Figueroa y e team completo cu ya pa mas cu 43 aña ta brindando Aruba su mundo infantil eventonan di kita sombre.
