Presenta pa e docente, historiado y autor sr. Chando Pietersz. Den cuadro di e serie di programa pa informa comunidad riba historia di sclavitud di nos Pais, Ministerio di Cultura ta presenta otro programa informativo ‘Importancia di ta consciente di Aruba su pasado di sclavitud’.
Den e programa aki sr. Chando Pietersz, docente, historiado y autor di varios buki ta elabora riba e importancia pa nos comunidad ta consciente, conoce y acepta e pasado di sclavitud na nos Pais.
Chando ta brinda un splicacion riba e aspecto di esclavo y sclavitud, kico esey ta nifica pa Aruba y e herencia di sclavitud y colonialismo na nos Pais.
Minister Xiomara Maduro ta extende un invitacion na henter comunidad pa sintonisa e programa ‘Importancia di ta consciente di Aruba su pasado di sclavitud’ pa scucha dicon ta importante pa nos conoce e historia di sclavitud na Aruba. E programa lo pasa dialuna awor dia 11 di september pa 7’or di anochi na Telearuba y diamars dia 12 di september pa 8’or di anochi na Diario tv.
1 comment
[…] Source link […]