Presidente di Aruba Domino Bond Endy Faro: Campeonato di Domino Nacional Balashi 2023 a cuminsa

Na Centro Deportivo Libertador Betico Croes a tuma luga e start up di competencia di weganan di Domino. Presidente di Aruba Domino Bond Endy Faro ta elabora cu pa varios aña caba Aruba Domino Bond ta organisa campeonato Nacional di Domino, e biaha aki e yama Campeonato Nacional Balashi 2023.

E aña aki ta participa cu 8 team y cada team tin mas of menos 35 hungado unda cu ta papia di mas of menos 300 miembro di tur edad cu ta hunga e deporte di Domino. Sinembargo e wega di Domino cu ta hunga den e campeonato no ta e wega cu nos tur ta custumbra cu ne bao palo of na fiestanan tradicional pero e ta wordo hunga semi profesional durante di e campeonato Nacional unda cu ta hunga como team y pareha. 

E apertura a wordo haci oficialmente riba diabierna ultimo unda cu tur e teamnan a desfila cu nan uniformnan. Pa un persona por participa na un campeonato asina e mester ta mayor di edad y tin hasta personanan cu tin edad di 86 aña of mas lo por participa. 

Aruba Domino Bond tin hopi plan nan na caminda unda cu kier yega na e scolnan pa e muchanan conoce e deporte aki pa asina e muchanan tambe conoce e deporte di Domino cu ta motiva e celebronan tambe di e mucha pa stimula pa conta y pa pensa. 

E Campeonato Nacional Balashi 2023 lo bay tres rond y lo hunga te cu december unda cu tur fin di siman cu ta tur diabierna y diadomingo lo tin wega y ta keda hunga den 4 diferente cede na Aruba Centro Deportivo Libertador Betico Croes, Club Primavera, Sportboys, Centro di bario ayo y na Otly space na San Nicolas. 

E teamnan cu tin ta Noord Stars Domino team, Ayo Domino Team, Extream Domino tean, Otly’s Domino Team, Sportsboys Domino Team, Goldstone Domino Team, Eagle Domino Team  y Oldpair Domino Team cu lo ta den wega e aña aki. 

Aruba Domino Bond a lanta dia 19 di mei y e aña aki dia 19 di mei a cumpli 60 aña di existencia y ta celebra den grandi e aña aki hunto cu tur miembro unda cu tin varios sorpresa y cada un miembro a haya bolo tambe pa cu celebracion di e 60 aña di existencia.

Loke cu kisas hopi hende no sa cu tur aña tin un seleccion cu ta participa na mundial tur aña y pronto Domino mes lo keda reconoci como un deporte olimpico. Tur aña tin un campeonato mundial unda cu ya caba a participa na Panamericano caba cu un team di Aruba. E federacionnan internacional ta yama tur hungado di Domino atleta. EAnews ta desea tur team exito den e temporada aki.