Secretario di Estado Knops ta na Aruba y diamars Premier Evelyn Wever-Croes a reuni cu n’e. Durante e reunion a toca varios punto di interes pa Aruba; E maneho di Covid, desaroyo y economico; Ayudo di Hulanda.
Premier Wever-Croes a indica cu e reunion a bay hopi bon. Secretario di Estado Knops a expresa di ta satisfecho cu e trabounan desplega pa Aruba durante e pandemia y pa cu reactivacion di nos economia.
“Mi a elabora riba e esfuersonan cu nos ta haciendo pa reactiva nos economia. Tambe mi a elabora riba e trabounan desplega pa cumpli cu e exigencianan pa ricibi e tranchenan di financiamento. No ta facil, pero nos ta cumpli. E reunion a bay bon y ta fortifica e base di confiansa pa e tempo nos dilanti”, Premier Evelyn Wever-Croes a duna di conoce.