FeaturedDeporteLocal

Prome Minister Evelyn Wever-Croes: Stadion Guillermo Prospero Trinidad ta duna bon bini na e prome wega di seleccion

Stadion Guillermo Prospero Trinidad Ta Duna Bon Bini Na E Prome Wega Di Seleccion.4

Danki na vision y determinacion Minister di Deporte Endy Croes 

Pabien Aruba cu victoria riba Virgin Island 

Den e curason di e bario di Dakota, un stadion cu pa hopi tempo no a haya atencion di mantencion debido, un biaha mas ta yama bon bini na e prome wega di seleccion di Aruba despues di e bunita fase di renobacion y un animo renoba tambe pa sigui uza e facilidad aki pa diferente deporte y pa tur edad di nos deportistanan. E stadion ainda no ta completamente cla pero pronto lo para den tur su splendor atrobe pa brinda miho oportunidadnan pa nos deportistanan y nos pueblo. 

Diasabra 14 di October, despues di 7 aña, e seleccion di Aruba por a hunga na Aruba atrobe den e Stadion Guillermo Prospero Trinidad. Desde 2016, seleccionnan di futbol di Aruba no por a hunga weganan di cas oficial di FIFA na Aruba, pa motibo cu e condicionnan di Stadion Guillermo Prospero Trinidad no tabata cumpli cu e standardnan necesario. Gabinete Wever-Croes II, apesar di temponan dificil, a logra e fondo necesario pa haci inversion den Stadion Guillermo Prospero Trinidad y e prome wega di Concacaf Nations League Selecion Masculino di Aruba vs Virgin Island por a tuma luga apesar cu e stadion ainda no a keda cla. 

Durante e inauguracion di e prome wega aki cu a tuma luga den Stadion Guillermo Prospero Trinidad, un publico presente hopi anima a laga nan aplausonan resona, recordando nos cu amor pa deporte por transforma no solamente un luga, sino e animo di henter un comunidad. Cu cada wega hunga den e stadion aki, nos ta cultiva e soñonan di nos muchanan, criando un futuro unda forsa, trabou di ekipo, y determinacion ta guia nos pa un miho nacion. Den e arena di deporte, nos ta haya unidad, inspiracion, y e promesa di un futuro mas briyante.

Prome Minister Evelyn Wever-Croes ta felicita Aruba cu Stadion Guillermo Prospero Trinidad cu pronto lo wordo completamente renoba y ta gradici Minister di Deporte Endy Croes pa su vision y determinacion pa brinda nos deporte e oportunidad aki. Papien Aruba cu victoria cu un score 3-1 riba Virgin Island poniendo Aruba na cabes di e grupo.

Stadion Guillermo Prospero Trinidad Ta Duna Bon Bini Na E Prome Wega Di Seleccion.3Stadion Guillermo Prospero Trinidad Ta Duna Bon Bini Na E Prome Wega Di Seleccion.2Stadion Guillermo Prospero Trinidad Ta Duna Bon Bini Na E Prome Wega Di Seleccion

Related posts

Dia 17 di augustus un dia cu nunca mas KPCN Boneiro lo lubida

EA News Author

Aruba tin un protocol pa supervision financiero desde aña 2015 y awor ta negosha pa esaki bay den e Ley di Consenso di Reino RAFT

EA News Author

Minister Rocco Tjon: Guarda Nos Costa a cumpli 20 aña di existencia y a celebra esaki cu un santo sacrificio di misa

EA News Author

Leave a Comment

Whatsapp Message