Riba plaza Padu den un ambiente cultural a presenta Gabinete AVP-FUTURO. Vice prome minister a hiba palabra y prome minister Mike Eman a hiba palabra e anochi aki. Prome minister Mike Eman a gradici tur hende presente y manera a bisa na prome instante cu lo bolter cos “ a bolter cos” . Tambe Mike Eman a gradici pastoor di Bahamas cu a bin specialmente pa su di tres nombracion como prome minister.
Prome Minister Mike Eman a vocifera cu un compromiso na e pueblo di Aruba ta para riba plaza padu cu ta e centro historico pa Pais Aruba, memey di edificionan historico durante siglonan. Segun Eman na momento cu un gobierno ta busca inspiracion e ta busca e guia y ta busca e caminda , pero no tin un miho caminda pa para ta na unda cu tin historia cu a keda skirbi unda cu ta haya inspiracion pa maneha e comunidad cu ta un maneho cu AVP –FUTURO a scoge pe.
Prome minister Mike Eman ta duna di conoce cu esaki ta e momento pa recoge e fortalesa, e ta e momento pa wordo inspira gabinete AVP-FUTURO. Esaki ta bay ta e gobierno cu ta bay scucha e pueblo. Cu hopi orguyo a asumi e responsabilidad y cu hopi sentido di compromiso unda cu a describi den un programa di gobernacion e caminda pa cana. A pone e base fuerte pa un futuro nobo pa Aruba unda cu tur lo participa unda cu bienestar lo keda comparti pa un y tur , pesey mes a tuma e prome decision di Gabinete AVP-FUTURO unda cu a pone 250 florin pa e pensionadonan manera cu a priminti.
Prome Minister Mike Eman a presenta e Gabinete AVP- FUTURO cu ta su persona como Prome minister , Arthur Dowers Minister di Husticia, Mervin Wyatt Ras Minister di salubridad publico y adulto mayor,Wendrick Cecilia Minister di turismo,labor y transporte publico, Geoffrey Wever Minister di finansas y economia, Gerlien Croes Minister di enseñansa y deporte. Aunke cu e gabinete no ta completo falta un mandatario mas cu no a keda cla cu su screening , gabinete AVP-FUTURO a dicidi di huramenta y warda wak kico lo pasa cu Mike de Meza.
