E siman akí Ed Nijpels, kwartiermaker pa e mesa di klima na Boneiru, a hasi un bishita di inventarisashon na nos isla. El a hiba diferente kòmbersashon ku vários stakeholder riba tereno di klima. Dia 11 i 12 di yanüari el a papia ku habitantenan di Rincon i Playa.
E públiko a hasi pregunta hopi krítiko tokante kambio di klima i spesialmente tokante e konsekuensianan di esaki pa habitantenan di Boneiru. E temanan energia, mobilidat, agrikultura, uso di tereno i turismo tambe a bini dilanti. E delegashon a eksperensiá e diálogo ku e presentenan komo sumamente positivo.
Awor Nijpels ta bai pone e informashon i su rekomendashonnan riba papel pa yega na un aserkamentu konhunto pa mas tantu posibel mitigá e efektonan di kambio i adaptashon di klima. Tambe e lo duna gobièrnu di Boneiru i gobièrnu di Reino konseho tokante ehekushon i finansiamentu di su rekomendashonnan.