Purple day ta un evento internacional cu e meta pa conscientisa e comunidad riba epilepsia cu ta wordo teni tur aña riba 26 di maart,
E evento aki a wordo funda na 2008 na nova scotia, canada door di cassidy megan di 9 aña cu sosten di e organisacion di epilepsia di nova scotia. cu esaki cassidy cu su mes tabata sufri di epilepsia, kier a logra cu e persona cu tin epilepsia, no kere of sinti cu e ta su so pa asina combersa cu otro y informa nan tocante epilepsia.
ta asina por elimina myto- y taboenan riba e problema medico aki.
Na 2009 e organisacion di epilepsia di nova scotia y esun di New York na merca a uni forsa y asina purple day internacional a sco£fe pa e color biña, layendel, bira e color internacional pa epilepsia y pesey ta pidi pa mas tanto bisti na biña riba e fecha menciona, esta 26 di Maart.
Miyones di tienda na mundo ta sufri di epilepsia y por bisa cu un(1) riba cada 100 hende por haya un atake di epilepsia den nan bida y pesey ta hopi importante pa nos comunidad wordo conscientisa riba kico epilepsia ta y 7a nifica pa un persona cu tine.
Na 2007 nos fundacion stichting epilepsie Aruba (s.e.a) a wordo lanta cu e meta aki pasobra e tempo ey no tabata existi un organisacion unda e pashent y su famia por a haya informacion adecuado riba e tereno aki cu tur su consecuencianan.
cu ayudo di entre otro dokter y otro personanan activo riba epilepsia, nos fundacion regularmente a tene charlanan riba e problema medico aki. Tambe nos a tene lectura pa entre otro scolnan, crèchenan y organisacionnan social y cada biaha ta resulta cu nos comunidad tin necesidad grandi pa informacion debido riba epilepsia.
y den e cuadro aki s.e.a. a organisa tur aña te 2018 evento na scolnan preparatorio unda s.e.a. a duna informacion tocante epilepsia na e chikitin- y maestronan. cada biaha e minister di enseñansa tabata presente ya hiba palabra. door di covid lastimamente s.e.a. no tabata activo e ultimo dos añanan pero nos ta bezig pa activa e tareanan di nos fundacion atrobe.
corda cu un persona cu epilepsia por hiba un bida normal, basta e ta na haltura kico ta epilepsia y sigui instruccion di su dokter. hopi importante ta tambe pa nos comunidad dune e sosten necesario pa e no sinti su so manera cassidy megan a siña nos.
