RADEX BCMS a wordo selecta door di e gobierno di St. Lucia pa wordo implementa manera nan programa di control y maneho di frontera.
Un lider den e control y maneho di frontera pa hopi aña, RADEX BCMS a wordo desaroya door di compania local, Gamma IT Solutions y ta un parti esencial pa yuda gobiernonan y departamentonan di immigracion y turismo cu ta busca e manera mas efectivo pa ofrece seguridad, confiansa, stabilidad y innovacion na nan paisnan. RADEX BCMS ta e solucion pa por logra esaki.
Gamma IT Solutions, cu ta e compania lider den desaroyo di software den Caribe, a desaroya RADEX BCMS pa yuda e Gobierno di Aruba proteha e frontera di e isla.
RADEX BCMS ta uza e hardware y software di mas moderno pa ‘multi-biometric capture’ y opcionan di buskeda y registracion. E sistema ta traha cu cantidad extenso di modulonan.
RADEX BCMS ta conta cu:
- Un modulo di turismo integra cu ta colecta e data di bishitantenan y cu ta disponibel inmediatamente na e autoridadnan di turismo cu tin como meta stimula e crecemento di turismo. Esaki ta clave pa e sector di turismo, door cu e por ofrece informacion relevante pa ora di haci e planning pa cu marketing y pa ora di tuma medidanan relaciona na turismo. Ademas, e ta provee estadisticanan y informacion na e instacianan dedica na turismo di un pais.
- E ta integra completamente cu e plataformanan di immigracion manera e Online ED Card y carchinan di turismo.
- E ta procesa biaheronan den un tempo asombroso di 10 seconde.
- E ta completamente integra cu e ‘wanted lists’ local y internacional.
- E tin un cantidad grandi di reportenan disponibel.
Awo, un par di aña despues cu RADEX BCMS a wordo desaroya, RADEX BCMS a wordo selecta pa e gobierno di St. Lucia pa wordo implementa na nan pais.
Frank Baks, Director di Business Development na Gamma, ta comparti “Nos team ta sumamente orguyoso pa a wordo selecta pa e proyecto aki. Tur partido envolvi ta masha excita pa lansa RADEX BCMS na St. Lucia. Nos ta gradici na e Ministernan di Husticia y Turismo, e Departamento di Immigracion y tur e conseheronan envolvi pa a selecciona RADEX BCMS. Actualmente, nos ta presentando nos software na mas paisnan di Caribe y nan ta hopi impresiona cu e software, dus nos tin confiansa cu e lo wordo implementa den hopi mas pais.”
Gamma IT Solutions ta exportando nan software pa mas di 25 aña caba y ta satisfecho di por mira nan producto, manera RADEX BCMS, yega otro mercadonan den Caribe.
